বৰপেটাৰোডত চুৰি কম্পিউটাৰসহ আটক এটা চোৰ

মঙলবাৰে বিলাসীপাৰা বজাৰত কম্পিউটাৰটো বিক্ৰী কৰিবলৈ লৈ যাওঁতেই স্থানীয় ৰাইজে আটক কৰে চোৰটোক ৷ স্থানীয় ৰাইজে চোৰটোক সোধা পোছা কৰাত ধৃত আব্দুলে কম্পিউটাৰটো চুৰ কৰা বুলি স্বীকাৰ কৰে

বৰপেটাৰোড,11 জুনঃ বৰপেটাৰোডৰ পাইকাৰী শাক-পাচলি বজাৰৰ এনামূল হোছেইনৰ ব্যৱসায়ীক প্ৰতিষ্ঠানৰ পৰা যোৱা 9 জুনৰ নিশা আব্দুল ৰহিম নামৰ এটা চোৰে চুৰি কৰিছিল এটা কম্পিউটাৰ ৷

মঙলবাৰে বিলাসীপাৰা বজাৰত কম্পিউটাৰটো বিক্ৰী কৰিবলৈ লৈ যাওঁতেই স্থানীয় ৰাইজে আটক কৰে চোৰটোক ৷ স্থানীয় ৰাইজে চোৰটোক সোধা পোছা কৰাত চোৰটোৱে কম্পিউটাৰটো চুৰি কৰা বুলি স্বীকাৰ কৰে ৷ পিচত স্থানীয় ৰাইজে চোৰজনক উত্তম মধ্যম দি কম্পিউটাৰসহ বৰপেটাৰোড আৰক্ষীক গতাই দিয়ে ৷ ইতিমধ্যে আৰক্ষীয়ে চোৰটোৰ পৰা জব্দ কৰিছে কম্পিউটাৰটো ৷