বানৰ কৱলত জনীয়া

বানত ডুব গৈছে বৰপেটা জিলাৰ জনীয়া সমষ্টিৰ বহু অঞ্চল । বানাক্ৰান্তৰ বাবে চৰকাৰে ব্যৱস্থা কৰা নাই কোনো বান সাহায্যৰ ।

জনীয়া,১৮জুলাই : ৰাজ্যত বানে চলাইছে সন্ত্ৰাস । বৰপেটা জিলাৰ জনীয়া সমষ্টিৰ অন্তৰ্গত তথা বাঘবৰ ৰাজহ চক্ৰৰ বালিকুৰি এন চি, ভেৰাগাঁও, টাপাজুলি, চিকনী আদি গাঁৱৰ শতাধিক পৰিয়াল আজিও জলবন্দী । খাদ্য,আশ্ৰয়ৰ সংকটত পৰিছে বানাক্ৰান্তসকল । বানৰ এই সন্ত্ৰাসৰ পাছতে বানাক্ৰান্তসকলৰ মাজত সৃষ্টি হৈছে হাহাকাৰ পৰিস্থিতিৰ । ইফালে, বানাক্ৰান্তসকলৰ বাবে চৰকাৰে কোনো সাহায্যৰ ব্যৱস্থা নকৰাত ক্ষোভিত হৈ পৰে বানাক্ৰান্তসকল ।