কলগাছিয়া,২০ জুন:ৰাজ্যজুৰি বানে লৈছে ভয়ংকৰ ৰূপ(Flood situation of Assam) । বৰপেটা জিলাৰ কলগাছিয়াতো বানে সৃষ্টি কৰিছে বিপদসংকুল পৰিস্থিতি(Flood at Barpeta) । বানত আবদ্ধ হৈ পৰিছে কলগাছিয়াৰ লাচাংগা গাঁও পঞ্চায়তৰ শ শ পৰিয়াল । ইয়াৰ মাজতে গাঁও পঞ্চায়তখনৰ সভানেত্ৰীৰ বিৰুদ্ধে উত্থাপিত হৈছে এক গুৰুতৰ অভিযোগ ।
এটা পথক কেন্দ্ৰ কৰি সৃষ্টি হৈছে তীব্ৰ উত্তেজনাময় পৰিস্থিতিৰ । কালভাৰ্ট নথকাৰ বাবে পানীত পৰিয়ালসমূহ আবদ্ধ হৈ পৰাৰ অভিযোগ উত্থাপিত হৈছে(Complaint of water logging in Kalgachia)। এই ক্ষেত্ৰত পঞ্চায়ত সভানেত্ৰী ফৰিদা পাৰবীনৰ বিৰুদ্ধে উত্থাপন হৈছে দুৰ্নীতিৰ অভিযোগ । নিজৰ স্বাৰ্থৰ বাবে পথচোৱাত কালভাৰ্ট নিদিয়াৰ ফলত বানত দুই শতাধিক পৰিয়াল আবদ্ধ হৈ পৰাৰ অভিযোগ উত্থাপন কৰিছে স্থানীয় ৰাইজে ।
বানত বুৰিছে কলগাছিয়াৰ লাচাংগা গাঁও: পঞ্চায়ত সভানেত্ৰীৰ বিৰুদ্ধে দুৰ্নীতিৰ অভিযোগ