বাক্সা,১১ মাৰ্চ: বাক্সা জিলাৰ সদৰ মুছলপুৰত বৃহস্পতিবাৰে ভোটদাতা সকলক প্ৰণালীবদ্ধ শিক্ষাদান আৰু নিৰ্বাচনী প্ৰক্ৰিয়াত অংশগ্ৰহণৰ ক্ষেত্ৰত সজাগতা সৃষ্টিৰ বাবে হাতত লোৱা হৈছে বহু কাৰ্যসূচী ৷ এই সজাগতামূলক কাৰ্যসূচীৰ অংশ হিচাপে প্ৰস্তুত কৰা এটা থিম ছং আৰু বিশেষভাৱে সু-সজ্জিত এখন প্ৰচাৰ বাহন ৷ এই থিম ছং আৰু সু-সজ্জিত প্ৰচাৰ বাহন বৃহস্পতিবাৰে মুকলি কৰে বাক্সা জিলাৰ উপায়ুক্ত ৰঞ্জন শৰ্মাই ৷
নতুন ভোটাৰ, বয়োজ্যষ্ঠ নাগৰিক তথা বিশেষভাৱে সক্ষম লোক সকলক ভোটদানৰ প্ৰতি সজাগ কৰাৰ লগতে আকৰ্ষিত কৰিবৰ বাবে বাক্সা জিলা নিৰ্বাচনী বিষয়াৰ কাৰ্যালয়ৰ পৰা কেতবোৰ বিশেষ ব্যৱস্থা গ্ৰহণ কৰা হৈছে ৷ শিল্পী নৱীন বড়োৱে সজাগতা অভিযানৰ বাবে প্ৰস্তুত কৰা গীতটিত কণ্ঠদান কৰাৰ লগতে বড়ো চলচ্চিত্ৰ জগতৰ মোহময়ী অভিনেত্ৰী হেলীনা দৈমাৰীয়ে এইবাৰৰ বিধানসভা নিৰ্বাচনত স্ব-ইচ্ছাই বাক্সাৰ নিৰ্বাচনী ব্ৰেণ্ড এম্বেচাদৰ হিচাপে এই সজাগতা অভিযানত অংশগ্ৰহণ কৰে ৷