বাক্সা, 10 মে : নব্বৈ দশকত শদিয়াৰ পৰা ধুবুৰীৰ বিভিন্ন মঞ্চত এখন মেণ্ডলিনেৰে সুৰৰ খলকনি তোলা গণশিল্পী নবীন বড়োৰ খবৰ ল'বলৈ আহৰি নাই সাংস্কৃতিক পৰিক্ৰমা বিভাগৰ ৷ শাৰীৰিক অসুস্থতাৰ ফলত বিগত 7 বছৰে মঞ্চখনৰ পৰা আঁতৰি আছে বাক্সা জিলাৰ মুছলপুৰৰ গাৰামদেউ গাঁৱৰ বাসিন্দা নবীন বড়ো ৷ ফলস্বৰূপে ক্ৰমাৎ পাহৰণিৰ গৰ্ভত এসময়ৰ প্ৰসিদ্ধ গণশিল্পীগৰাকী ৷
শিল্পী পেন্সনৰ পৰা বঞ্চিত গণশিল্পী নবীন বড়ো কেইবাখনো ভ্ৰাম্যমাণ থিয়েটাৰত সংগীত শিল্পী হিচাপে কাম কৰা নবীন বড়োক সহায় কৰিবলৈ আগুৱাই অহা নাই কোনো দল সংগঠনো ৷ উল্লেখ্য যে, নব্বৈ দশকত অসমীয়া আৰু বড়ো দুয়োটা ভাষাতে স্বৰচিত গীতৰ প্ৰায় ১৫ টা অডিঅ' শ্ৰব্য কেছেট ৰাইজক উপহাৰ দিছিল শিল্পীগৰাকীয়ে ৷ কিন্তু চৰকাৰৰ শিল্পী পেঞ্চনৰ পৰাও বঞ্চিত শিল্পীগৰাকী ৷ তৎসত্বেও চৰকাৰক লৈ কোনো অভিযোগ নাই তেওঁৰ ৷ পত্নী আৰু একমাত্ৰ কন্য়াৰ সৈতে কোনোমতে দিন অতিবাহিত কৰিছে শিল্পী নবীন বড়োৱে ।
