স্পৰ্টছ ডেস্ক, 28 ছেপ্টেম্বৰঃ টকিঅ’ অলিম্পিকেই হ’ব পাৰে জীৱনৰ শেষ প্ৰতিযোগিতা মণিপুৰৰ তাৰকা মহিলা বক্সিং খেলুৱৈ সৰীতা দেৱীৰ ৷ টকিঅ’ অলিম্পিকৰ পূৰ্বে এই কথাৰে ইংগিত দিলে প্ৰাক্তন বিশ্বচেম্পিয়ন খেলুৱৈগৰাকীয়ে ৷ আগন্তুক টকিঅ’ অলিম্পিকত পদক লাভ কৰি বক্সিং কেৰিয়াৰৰ পৰা অব্যাহতি লোৱাৰ ইংগিত দিছে খেলুৱৈগৰাকীয়ে ৷
আন্তঃৰাষ্ট্ৰীয় বক্সিং কেৰিয়াৰত সৰীতা দেৱীৰ নামত আছে বিশ্ব চেম্পিয়নশ্বিপত তিনিটাকৈ ৷ য’ত আছে এটাকৈ সোণৰ পদক ৷ 2006 চনত সোণৰ পদক লাভ কৰাৰ বিপৰীতে 2005 আৰু 2008 চনত ব্ৰঞ্জৰ পদক লাভ কৰিছিল খেলুৱৈগৰাকীয়ে ৷ আনহাতে এছিয়ান চেম্পিয়নশ্বিপত আছে পাঁচটাকৈ সোণ আৰু এটা ব্ৰঞ্জৰ পদক লাভ কৰিছিল ৷ ইফালে 2014ৰ এছিয়ান গেমছত ব্ৰঞ্জ আৰু 2014 ৰ কমনৱেলথ গেমছত ৰূপক পদক লাভ কৰিছিল সৰীতা দেৱীয়ে ৷
উল্লেখ্য যে,মণিপুৰৰ এই প্ৰতিভাৱান খেলুৱৈগৰাকীয়ে বৰ্তমান লৈকে অলিম্পিকত লাভ কৰিবলৈ সক্ষম হোৱা নাই কোনো পদক ৷ যাৰ বাবে এইবাৰ পদক লাভ কৰি বিদায় লোৱাৰ যথোপযুক্ত চেষ্টা চলাব খেলুৱৈগৰাকীয়ে ৷