স্পৰ্টছ ডেস্ক, ১৯ এপ্ৰিল: শ্ৰীলংকাৰ ক্ৰিকেটাৰ মুথিয়া মুৰুলীধৰণক সোমবাৰে চিকিৎসালয়ৰ পৰা যাবলৈ দিয়া হয় । দেওবাৰে চেন্নাইৰ এপ’ল’ হাস্পতালত প্ৰাক্তন স্পীনাৰ বলাৰগৰাকীৰ ক'ৰ'ণেৰেী এঞ্জিঅ'প্লাষ্টি সম্পন্ন হৈছিল । এপ'ল' হাস্পতাল কৰ্তৃপক্ষই এক বিজ্ঞপ্তিযোগে জনোৱা মতে, হৃদৰোগ বিশেষজ্ঞ ডাঃ জি চেংগটুৱেলুৰ তত্বাৱধানত অস্ত্ৰোপচাৰ সফলভাৱে সম্পন্ন হয় ।
শীঘ্ৰে তেওঁ স্বাভাৱিক জীৱনলৈ ঘূৰি আহিব পাৰিব বুলি জানিবলৈ দিয়ে এপ'ল' হাস্পতাল কৰ্তৃপক্ষই । চলিত আইপিএলত ছানৰাইজাৰ্ছ হায়দৰাবাদৰ প্ৰশিক্ষকৰ দলত থকা মুৰুলীধৰণক দেওবাৰে হৃদযন্ত্ৰৰ চিকিৎসাৰ বাবে চিকিৎসালয়ত ভৰ্তি কৰোৱা হৈছিল । এতিয়াৰে পৰা মুৰুলীধৰণে ৭ দিনৰ বাবে বাধ্যতামূলক কোৱাৰেণ্টাইনত থাকিব লাগিব ৷ তাৰ পিছতে ছানৰাইজাৰ্ছ হায়দৰাবাদ দলত যোগদান কৰিব ।