টুইট যোগে 'দাবাং-3' ৰ মুক্তিৰ তাৰিখ ঘোষণা ছলমানৰ

শুকুৰবাৰে টুইট যোগে 'দাবাং-3' ৰ মুক্তিৰ তাৰিখ ঘোষণা কৰিলে ছলমান খানে ৷ টুইটাৰত ছবিখনৰ এখন ফটো দি চলিত মাহৰ 20 ডিচেম্বৰত চিত্ৰগৃহলৈ অহাৰ কথা প্ৰকাশ কৰে ছলমানে ৷

নিউজডেস্ক,27এপ্ৰিল: ছলমান প্ৰেমীৰ বাবে সুখবৰ ৷ কাৰণ অচিৰেই চিত্ৰগৃহলৈ আহি আছে ছলমান খান অভিনীত 'দাবাং' ছবিখনৰ চিকুৱেন্স ৷ শুকুৰবাৰে ছলমান খানে মুক্তিৰ তাৰিখ ঘোষণা কৰিলে 'দাবাং-3' ছবিখনৰ ৷ 'চুলবুল ইজ বেক' কেপশ্বনেৰে এক টুইটাৰযোগে ছলমানে 'দাবাং-3' ছবিখনৰ এখন ফটো দি চলিত বৰ্ষৰ 20 ডিচেম্বৰত মুকলি কৰাৰ কথা প্ৰকাশ কৰে ৷ আৰবাজ খানৰ প্ৰযোজনা আৰু প্ৰভু দেৱাৰ পৰিচালনাত নিৰ্মিত 'দাবাং-3' ছবিখন হৈছে 'দাবাং' ট্ৰাইলজীৰ তৃতীয় খন ছবি ৷ উল্লেখ্য যে 2010 চনত মুক্তিলাভ কৰা 'দাবাং' ছবিখনৰ দ্বাৰাই অভিনেত্ৰী সোনাক্ষী সিনহাই অভিনয় জগতত পদাৰ্পণ কৰিছিল ৷ ইপিনে মিডিয়া তথ্য অনুসৰি আন দুবাৰৰ দৰে এইবাৰো 'মাকখি' চৰিত্ৰটো ৰূপায়ণ কৰিব অভিনেতা আৰবাজ খানে ৷

অধিক চাওঁক- অসমীয়া নতুন ছবি "বৰনদী ভটিয়ায়" অহা 3 মে'ত অসমৰ ছবি গৃহত মুক্তি লাভ কৰিব