সম্পন্ন হ’ল নেহা কক্কৰ আৰু ৰোহনপ্ৰীত সিঙৰ ‘ৰোকা’

মঙলবাৰে কণ্ঠশিল্পী ৰোহনপ্ৰীত সিঙৰ সৈতে মাংগলিক ৰোকা কাৰ্য সম্পন্ন কৰে জনপ্ৰিয় কণ্ঠশিল্পী নেহা কক্কৰে ৷ চলিত মাহৰ শেষৰ ফালে বিবাহ পাশত আৱদ্ধ হ’ব নেহা-ৰোহন ৷

চিটাৰা ডেস্ক,21 অক্টোবৰ : কণ্ঠশিল্পী নেহা কক্কৰৰ নেহাৰ্টছলৈ সুখবৰ ৷ চলিত মাহৰ শেষৰ ফালে বিবাহ পাশত আৱদ্ধ হ’ব জনপ্ৰিয় কণ্ঠশিল্পী নেহা কক্কৰ ৷ মঙলবাৰে কণ্ঠশিল্পী ৰোহনপ্ৰীত সিঙৰ সৈতে মাংগলিক ৰোকা কাৰ্য সম্পন্ন কৰে নেহাই ৷

ইনষ্টাগ্ৰামযোগে এক ভিডিঅ’ শ্বেয়াৰ কৰি নেহাই তেওঁৰ পিতৃ-মাতৃক ধন্যবাদ জনোৱাৰ লগতে এই মূহুৰ্তক ‘বেষ্ট ইভেণ্ট’ নাম দিয়ে ৷ লগতে এই ভিডিঅ’ত ৰোহন আৰু নেহাক একেলগে নৃত্য কৰাও পৰিলক্ষিত হৈছে ৷ ইফালে এই প’ষ্টযোগে বুধবাৰে নেহাই‘Nehu Da Vyah’নামৰ এটি মিউজিক ভিডিঅ’ মুক্তি লাভ কৰাৰ কথাও ঘোষণা কৰে ৷

নেহাই ভিডিঅ’ৰ কেপচনত তেওঁৰ ৰোকা অনুষ্ঠানক নেহাৰ্টছ আৰু নেহুপ্ৰীত অনুৰাগীসকললৈ এটি সৰু উপহাৰ দিয়াৰ কথা উল্লেখ কৰে ৷ আনহাতে,নেহাৰ এই প’ষ্টত ৰোহনেও ৰোকা কাৰ্যক ‘বেষ্ট ইভেণ্ট’ আখ্যা দিয়ে ৷ নেহাৰ বিবাহক লৈ এতিয়া উৎসুক হৈ পৰিছে তেওঁৰ অনুৰাগী অৰ্থাৎ নেহাৰ নেহাৰ্টছ ৷

লগতে পঢ়ক :মুৰলীধৰনৰ বায়'পিক 800ত অভিনয়ৰ বাবে বিজয় সেথুপাথীৰ কন্যাক ধৰ্ষণৰ ভাবুকি