চিটাৰা ডেস্ক,৩ এপ্ৰিল: তামিলনাডুৰ প্ৰয়াত মুখ্যমন্ত্ৰী তথা অভিনেত্ৰী জয়াললিতাৰ জীৱন কাহিনীৰ ওপৰত নিৰ্মীত ছবি 'থলাইভি'ত মুখ্য চৰিত্ৰ ৰূপায়ণ কৰিছে কংগনা ৰাণাৱটে । শুকুৰবাৰে ছবিখনৰ 'চলি চলি' শীৰ্ষক গীতটি উন্মোচন কৰা হয় । ছবিখনত কংগনাৰ অভিনয় সন্দৰ্ভত নিৰ্দেশক এ এল বিজয়ে কয় যে, অনুশীলন বেছিকৈ কৰা বাবে ছবিখনৰ দৃশ্যগ্ৰহণ নিখুঁত হৈছিল ।
লগতে তেওঁ কয় যে, জয়াললিতাৰ ব্যক্তিত্ব চিনেমাৰ পৰ্দাত দাঙি ধৰাতো এক ডাঙৰ দায়িত্ব আছিল বুলি মন্তব্য কৰে নিৰ্দেশকগৰাকীয়ে । কিন্তু চাৰিবাৰৰ ৰাষ্ট্ৰীয় বঁটা বিজয়ী কংগনা ৰাণাৱটৰ সুদক্ষ অভিনয়ে ছবিখনৰ কাম সম্পূৰ্ণ কৰাত যথেষ্ট সহায় হৈছিল । কংগনাই ছবিখনৰ বাবে কঠোৰ পৰিশ্ৰম কৰিছিল আৰু 'চলি চলি' শীৰ্ষক গীতটি সুন্দৰ কৰি তুলিবলৈ দৃশ্যগ্ৰহণৰ এমাহ পূৰ্বৰে পৰা কংগনাই অনুশীলন আৰম্ভ কৰিছিল । সেয়ে গীতটোৰ দৃশ্যগ্ৰহণ আশা কৰা ধৰণে হৈছিল বুলি তেওঁ জানিবলৈ দিয়ে ।