চিটাৰা ডেস্ক,21 ফেব্ৰুৱাৰীঃ সামাজিক বাৰ্তামূলক ছবি নিৰ্মাণৰ বাবে জনপ্ৰিয় নিৰ্মাতা তথা নিৰ্দেশক অনুভৱ সিনহাৰ আগন্তুক প্ৰকল্পত মুখ্য চৰিত্ৰত অভিনয় কৰিব অভিনেতা আয়ুষ্মান খুৰাণাই ৷
সূত্ৰৰ দ্বাৰা জানিব পৰা মতে,অনুভৱ সিনহাৰ সৈতে আৰ্টিকেল-15 কৰাৰ পিছত এইবাৰ পলিটিকেল ড্ৰামা অনেকত কাম কৰিব আয়ুষ্মান খুৰাণাই ৷ চলচ্চিত্ৰ সমালোচক ৰাজীৱ মচন্দে নিজৰ লেখাৰ জৰিয়তেও প্ৰকাশ কৰে এই কথা ৷ তেওঁ জনোৱা মতে,ছবিখনৰ শ্বুটিঙৰ কাম আৰম্ভ হ'ব অহা এপ্ৰিল মাহৰ পৰা ৷
যদি দুয়োজনৰে কামৰ কথালৈ চাও,শেহতীয়াকৈ শুকুৰবাৰে মুক্তি পাইছে আয়ুষ্মান খুৰাণাৰ নতুন ছবি শুভ মংগল জ্যাদা সাৱধান ৷ সমকামিতাৰ ওপৰত কেন্দ্ৰ কৰি নিৰ্মাণ কৰা ছবিখনত আয়ুষ্মান খুৰাণাৰ সৈতে মুখ্য চৰিত্ৰত অভিনয় কৰিছে জিতেন্দ্ৰ কুমাৰে ৷
সেইদৰে অনুভৱ সিনহা সাজু হৈছে আগন্তুক ছবি থাপৰৰ সৈতে ৷ মুখ্য চৰিত্ৰত তাপসী পান্নু অভিনীত অনুভৱ সিনহাৰ এই ছবিখন নিৰ্মাণ কৰা হৈছে ঘৰুৱা হিংসাজনিত বিষয়ৰ ওপৰত ৷
লগতে পঢ়কঃডুবাই আৰু ইউ.এ.ইত নিষিদ্ধ হ'ল শুভ মংগল জ্যাদা সাৱধান