ইন্টাৰনেশ্বনেল ডেক্স,27 মাৰ্চঃ বিশ্বৰ সৰ্বত্ৰে এতিয়া ত্ৰাসৰ সৃষ্টি কৰিছে মাৰাত্মক কৰ‘ণা ভাইৰাছে৷ বৰ্তমান সময়লৈকে বিশ্বৰ প্ৰায় দুশখন দেশত বিয়পি পৰিছে এই ভাইৰাছ৷ চীনৰ পৰা আৰম্ভ হোৱা এই ভাইৰাছে প্ৰথমাৱস্থাত যদিও চীন দেশত সৰ্বাধিক হাৰত সংক্ৰমিত হোৱাৰ লগতে দ্ৰুত গতিত প্ৰাণ লৈছিল তিনি হাজাৰতকৈও অধিক লোকৰ ৷
কিন্তু ক্ৰমান্বয়ে চীনে এই ভাইৰাছৰ সংক্ৰমণৰ গতি ৰোধ কৰিবলৈ সক্ষম হয় ৷ ইয়াৰ পৰৱৰ্তী সময়ত এই ভাইৰাছে ইটালী আৰু আমেৰিকাত ভয়ংকৰ ৰূপ ধাৰণ কৰে৷ ক্ৰমাৎ এই ভাইৰাছৰ ফলত হোৱা মৃত্যুৰ ক্ষেত্ৰত চীনক অতিক্ৰম কৰে ইটালীয়ে ৷
আনহাতে, কৰ’ণাত আক্ৰান্ত হোৱা ৰোগীৰ সংখ্যাৰ ক্ষেত্ৰত তৃতীয় স্থানত থকা আমেৰিকাই যোৱা 24 ঘণ্টাত সংক্ৰমণৰ ক্ষেত্ৰত প্ৰথম স্থানত উপনীত হয় ৷ শেহতীয়াভাৱে চীন আৰু ইটালীক অতিক্ৰম কৰি মুঠ 85,594 জন লোকৰ শৰীৰত এই মাৰাত্মক ভাইৰাছৰ অৱস্থিতি ধৰা পৰিছে আমেৰিকাত ৷