Mahie Gill: ৪৭ বছৰীয়া দবাং অভিনেত্ৰীয়ে গোপনে বিয়া কৰালে প্ৰেমিকক, ৬ বছৰীয়া কন্যাৰ মাতৃ

২০০৯ চনত দেৱ ডি ছবিৰ জৰিয়তে বলীউডত আত্মপ্ৰকাশ কৰিছিল মাহী গীলে । পূৰ্বে নিজকে অকলশৰীয়া মাতৃ বুলি চিনাকি দিয়া অভিনেত্ৰীগৰাকীয়ে শেহতীয়াকৈ নিজৰ গোপন বিয়াৰ খবৰ ৰাজহুৱা কৰিছে (Mahie Gill Secretly Married)।

চিটাৰা ডেস্ক, 18 এপ্ৰিল: বলীউডৰ বহু ছবিত নিজৰ উৎকৃষ্ট অভিনয়ৰ বাবে প্ৰশংসা লাভ কৰিছে অভিনেত্ৰী মাহী গীল । যদিও বহু দিনৰ পৰা ৰূপালী পৰ্দাৰ পৰা আঁতৰি আছে অভিনেত্ৰীগৰাকী । ইফালে এতিয়া খবৰ আহিছে যে 47 বছৰীয়া অভিনেত্ৰীগৰাকীয়ে গোপনে বিবাহপাশত আৱদ্ধ হৈছে । এইখিনিতে উল্লেখ কৰিব লাগিব যে অভিনেত্ৰীগৰাকীয়ে নিজৰ বৈবাহিক জীৱনৰ কথা বহু সময়ৰ পৰা গোপন কৰি ৰাখিছিল । এতিয়া খবৰ অনুসৰি জানিব পৰা মতে মাহী অবিবাহিতা নহয় (Mahie Gill Secretly Married)।

বিবাহপাশত আৱদ্ধ হ’ল মাহী গীল

সংবাদ মাধ্যমৰ বাতৰি অনুসৰি গীলৰ বিবাহ অভিনেতা-উদ্যোগী ৰবি কেছাৰৰ সৈতে হৈছে । মন কৰিবলগীয়া যে ২০১৯ চনত দুয়োগৰাকীয়ে ডিজিটেল ছিৰিজ ‘ফিক্সাৰ’ত একেলগে স্ক্ৰীণ শ্বেয়াৰ কৰিছিল । একে সময়তে প্ৰতিবেদন অনুসৰি অভিনেত্ৰীগৰাকীয়ে গোৱালৈ স্থানান্তৰিত কৰিছে নিজৰ বাসস্থান । য’ত তেওঁ স্বামী আৰু কন্যা ভেৰ’নিকাৰ সৈতে থাকে । দুয়োৰে বিয়া কেতিয়া হৈছিল তাৰ কোনো তথ্য বৰ্তমানলৈকে পোৱা নাই । একে সময়তে প্ৰতিবেদন অনুসৰি মাহীয়ে নিজেই নিশ্চিত কৰি কয় যে, তেওঁ ৰবি কেছাৰৰ সৈতে বিবাহপাশত আৱদ্ধ হৈছে (Mahie Gill reveals she secretly married) ৷

মাহী গীলৰ এগৰাকী কন্যাও আছে

অভিনেত্ৰীগৰাকীয়ে নিজৰ ব্যক্তিগত জীৱনটো অতি ব্যক্তিগত কৰি ৰাখে । ২০১৯ চনত মাহীয়ে তেওঁৰ 2 বছৰীয়া কন্যা সন্তানৰ কথা ঘোষণা কৰি সকলোকে আচৰিত কৰি তুলিছিল । কন্যা সন্তানটিৰ নাম ভেৰ’নিকা ৷ এক সাক্ষাৎকাৰৰ সময়ত অভিনেত্ৰীগৰাকীয়ে কৈছিল, "ভেৰ’নিকাৰ ছবি ছ’চিয়েল মিডিয়াত পোষ্ট নকৰাৰ ব্যক্তিগত কাৰণ আছে । মই এগৰাকী অতি ব্যক্তিগত আৰু লাজকুৰীয়া মানুহ আৰু মোৰ জীৱনত এনেকুৱা বহু কথাই হৈছে যিবোৰ মই কেতিয়াও ৰাজহুৱা কৰা নাই ।’’

বিয়াৰ বিষয়ে পূৰ্বে মাহী গীলে কি কৈছিল ?

পূৰ্বে যেতিয়া অভিনেত্ৰীগৰাকীক বিয়াৰ বিষয়ে সোধা হৈছিল, তেতিয়া তেওঁ কৈছিল, ‘‘বিয়া হোৱাৰ প্ৰয়োজন কিয় ? মই তেনেকৈয়ে সুখী (অবিবাহিত) আৰু মই ভাবো যিকোনো ব্যক্তিয়েই সুখীভাৱে অবিবাহিত হ’ব পাৰে । বিয়া নোহোৱাকৈও পৰিয়াল থাকিব পাৰে আৰু সন্তান জন্ম দিব পাৰে । সন্তান আৰু পৰিয়ালৰ বাবে আমাক বিবাহৰ প্ৰয়োজন নাই বুলি মই ভাবো । বিবাহ এটা ধুনীয়া কথা কিন্তু বিবাহ হ’ব নহ’ব সেয়া ব্যক্তিগত পছন্দ ।’’

লগতে পঢ়ক:The Kapil Sharma Show : ২ মাহৰ পিচত বন্ধ হ’ব কপিল শৰ্মা শ্ব ! কপিল শৰ্মাই এই সন্দৰ্ভত প্ৰকাশ কৰিলে প্ৰতিক্ৰিয়া