চিটাৰা ডেস্ক, 20 ডিচেম্বৰ : অভিনেত্ৰী অনুষ্কা শৰ্মাই সোমবাৰে এথলেইজাৰ ব্ৰেণ্ড পুমাক অনুমতি অবিহনে তেওঁৰ ছবি ব্যৱহাৰ কৰাৰ বাবে সমালোচনা কৰে । ইনষ্টাগ্ৰাম ষ্ট’ৰীত অনুষ্কাই নিজৰ এখন ছবি পোষ্ট কৰি এথলেইজাৰ ব্ৰেণ্ড পুমাক তেওঁৰ ফটো আঁতৰাই দিবলৈ সকীয়নী দিয়ে (Anushka Sharma puma) । কিন্তু কেইঘণ্টামানৰ পাছত অভিনেত্ৰী গৰাকী আৰু ব্ৰেণ্ডটোৱে ছ’চিয়েল মিডিয়াত তেওঁলোকৰ আনুষ্ঠানিক সহযোগিতা ঘোষণা কৰাৰ পূৰ্বে উক্ত পোষ্টটো এটা প্ৰৱঞ্চনা বুলি প্ৰকাশ কৰে ।
অনুষ্কাই তেওঁৰ অনুমতি অবিহনে ছবি ব্যৱহাৰ কৰাৰ বাবে পুমা ব্ৰেণ্ডটোক তীব্ৰ সমালোচনা কৰিছিল । চিজনৰ শেষ সময়ছোৱাৰ বিক্ৰীৰ প্ৰচাৰৰ বাবে তেওঁলোকে অনুষ্কাৰ ছবি ব্যৱহাৰ কৰিছিল । কিন্তু পুমা ইণ্ডিয়াৰ শেহতীয়া ছ’চিয়েল মিডিয়া পোষ্টটো দেখি এতিয়া অনুমান কৰিব পৰা গৈছে যে অভিনেত্ৰী গৰাকীয়ে অতি সোনকালেই স্প’ৰ্টছৱেৰ সৈতে চহী কৰিব ।
"PUMA x ANUSHKA" বুলি লিখা থোৱা এখন নথি শ্বেয়াৰ কৰি ব্ৰেণ্ডটোৱে সহযোগিতাৰ কথা প্ৰকাশ কৰে । "হেই @anushkasharma, আমি সোনকালে হাত আগবঢ়াব লাগিছিল ! তেন্তে আমি কথাবোৰ পৰৱৰ্তী স্তৰলৈ লৈ যোৱা উচিত নেকি? 👀" ছবিখনৰ কাষত কেপছনত এইদৰে লিখা আছে ।