চিটাৰা ডেস্ক, 5 মে’ :চলিত বছৰৰ মাৰ্চ মাহত নাৰী দিৱসৰ দিনাই আলিয়াই অনুৰাগীৰে সৈতে শ্বেয়াৰ কৰিছিল হলীউডত আত্মপ্ৰকাশ কৰাৰ কথা ৷ আলিয়াই ৱণ্ডাৰ ৱমেন গাল গাডটৰ সৈতে হলীউডত আত্মপ্ৰকাশ কৰিবলৈ সাজু হৈছে (Alia Bhatt Hollywood debut) । মন কৰিবলগীয়া যে, আলিয়া ভাটে এই মাহৰ পৰাই তেওঁৰ নতুন হলীউড প্ৰজেক্টৰ কাম আৰম্ভ কৰিব । বৰ্তমান আলিয়া কৰণ জোহৰ পৰিচালিত ৰকি ঔৰ ৰানী কি প্ৰেমকাহিনী শীৰ্ষক চলচ্চিত্ৰখনৰ বাবে চৰ্চাত আছে ।
সংবাদ মাধ্যমৰ বাতৰি অনুসৰি, আলিয়া ভাটে এই মাহৰ মাজভাগৰ পৰাই লণ্ডনত তেওঁৰ প্ৰথম হলীউড প্ৰকল্প হাৰ্ট অফ ষ্টোনৰ কাম আৰম্ভ কৰিবলৈ আগবাঢ়িছে (Alia Bhatt Hollywood movie name) । আলিয়াক ছবিখনত গাল গাডট আৰু জেমি ডৰনানৰ সৈতে দেখিবলৈ পোৱা যাব (Alia Hollywood debut cast) । ৰকি ঔৰ ৰানী কি প্ৰেমকাহিনীৰ শ্বুটিং শেষ হোৱাৰ লগে লগে আলিয়া ইউকেলৈ উৰা মাৰিব । টম হাৰ্পাৰে পৰিচালনা কৰা চলচ্চিত্ৰখন আগষ্টত সম্পূৰ্ণ হ'ব আৰু নেটফ্লিক্সত প্ৰদৰ্শিত হ'ব ।
ইয়াৰ উপৰিও, আলিয়াই অভিনেতা ফাৰহান আখটাৰৰ সৈতে ছবি জি লে জাৰাৰ কামো অতি শীঘ্ৰেই আৰম্ভ কৰিব । জি লে জাৰা এখন বহু ভিত্তিক স্থানৰ চলচ্চিত্ৰ ৷ ভাৰতৰ বহুতো চহৰত এই ছবিখনৰ দৃশ্যগ্ৰহণ কৰা হ'ব । সংবাদ মাধ্যমৰ মতে, আলিয়া ভাটক গংগুবাই কাঠিয়াৱাড়ীৰ পিছত আকৌ এবাৰ সঞ্জয় লীলা ভাঞ্চালীৰ সৈতে একেলগে দেখা যাব (Alia Bhatt upcoming movies) । প্ৰাপ্ত বাতৰি অনুসৰি আলিয়া আৰু ৰণবীৰ সিঙক সঞ্জয়ৰ আহিবলগীয়া ছবি বাইজু বাৱাৰাৰ বাবে নিশ্চিত কৰা হৈছে ।