কলিয়াবৰ,১১ এপ্ৰিলঃ কলিয়াবৰ লোকসভা সমষ্টি এলেকাৰ ধিং সমষ্টিত বৃহস্পতিবাৰে পুৱা ৭ বজাৰ পৰা আৰম্ভ হোৱা ভোট গ্ৰহণ প্ৰক্ৰিয়া শান্তিপূৰ্ণভাৱে সম্পন্ন হয় । বিভিন্ন কেন্দ্ৰৰ পৰা পোৱা তথ্য মতে সন্ধিয়া ৫ বজালৈকে ধিং সমষ্টিত সৰ্বমুঠ ভোটদানৰ হাৰ ৮৭ শতাংশ ।
উল্লেখ্য যে, যোৱা ২০১৪ চনৰ লোকসভা নিৰ্বাচনত ধিং সমষ্টিত ৭৯ শতাংশ ভোটদান হৈছিল যদিও এইবাৰ তাতকৈ ৮ শতাংশ বেছি ভোট গ্ৰহণ হয় সমষ্টিটোত ।উল্লেখ্য যে , ৯৭ শতাংশ সংখ্যালঘু অধ্যুষিত ধিং সমষ্টিৰ ভোটাৰ সকল পুৱাৰ পৰাই ভোটদান কৰিবলৈ ভিৰ কৰেহি ভোটকেন্দ্ৰসমূহত ।