Ugratara Devalaya : দুপালি ভেকচিন লোৱা যাত্ৰীকহে উগ্ৰতাৰা দেৱালয়ত প্ৰৱেশৰ অনুমতি

মহানগৰৰীৰ উগ্ৰতাৰা দেৱালয়ত দেওবাৰৰ পৰা দুপালি ভেকচিন লোৱা প্ৰমাণপত্ৰ দেখুওৱা তীৰ্থযাত্ৰী সকলকহে ভিতৰত প্ৰৱেশৰ অনুমতি দিছে দেৱালয় কৰ্তৃপক্ষই (Ugratara Devalaya is open only for fully vaccinated people)। ক’ভি়ড-19ৰ ভয়াবহতাৰ প্ৰতি লক্ষ্য ৰাখি দেৱালয়সমূহৰ পৰিচালনা সমিতিসমূহ যথেষ্ট কঠোৰ হোৱা পৰিলক্ষিত হৈছে ৷

গুৱাহাটী, ১৭ জানুৱাৰী: ৰাজ্যত ক’ভিড আক্ৰান্তৰ হাৰ বৃদ্ধি পোৱাৰ পৰিপ্ৰেক্ষিতত ১৫ জানুৱাৰীৰ পৰা টীকাকৰণৰ প্ৰমা -পত্ৰ নথকা লোকক ৰাজহুৱা স্থানত প্ৰৱেশৰ ক্ষেত্ৰত নিষেধাজ্ঞা জাৰি কৰিছে ৰাজ্য চৰকাৰে । ৰাজ্য চৰকাৰ আৰু স্বাস্থ্য বিভাগৰ পৰা বান্ধি দিয়া ক’ভিড-১৯ ৰ নিয়মাৱলীৰ প্ৰতি লক্ষ্য ৰাখি উগ্ৰতাৰা দেৱালয়ত দেওবাৰৰ পৰা দুপালি ভেকচিন লোৱা প্ৰমাণপত্ৰ দেখুওৱা তীৰ্থযাত্ৰী সকলকহে ভিতৰত প্ৰৱেশৰ অনুমতি দিছে দেৱালয় কৰ্তৃপক্ষই (New rules for entering Ugratara Devalaya ) ।

দেৱালয়ৰ বৰ দেউৰী কৈলাশ শৰ্মাই এই সম্পৰ্কত কয় যে, চৰকাৰে বান্ধি দিয়া নীতি-নিয়ম মানি কালিৰে পৰা দুপালি ভেকচিন লোৱা দৰ্শনাৰ্থীকহে ভিতৰত প্ৰৱেশ কৰিবলৈ দিয়া হৈছে (Ugratara Devalaya is open only for fully vaccinated people) । প্ৰৱেশদ্বাৰতে তেওঁলোকৰ নাম পঞ্জীয়ন কৰাৰ লগতে দুপালি ভেকচিন লোৱাৰ প্ৰমাণ প্ৰত্ৰ পৰীক্ষা কৰা হৈছে । এপালি ভেকচিন লোৱা সকলোকক ভিতৰত প্ৰৱেশ কৰিবলৈ দিয়া হোৱা নাই ।

সদৌ অসম দেৱালয় সংঘৰ অন্তৰ্গত অসমৰ ঐতিহ্যমণ্ডিত দেৱালয়সমূহলৈ মাঘ মাহত বহু তীৰ্থযাত্ৰীৰ আগমন হয় । সেয়েহে দুপালি ভেকচিন লোৱা দৰ্শনাৰ্থীকহে দেৱালয়ৰ ভিতৰত প্ৰৱেশ কৰিবলৈ অনুৰোধ জনোৱাৰ লগতে এইক্ষেত্ৰত দেৱালয়সমূহৰ পৰিচালনা সমিতিক তীক্ষ্ন নজৰ ৰাখিবলৈ আহ্বান জনোৱা হৈছে ৷ ইয়াৰ দ্বাৰা ভয়াবহ কভিড-১৯ ৰ পৰা সকলোৱে পৰিত্ৰাণ পোৱাৰ ক্ষেত্ৰত অসম চৰকাৰ তথা স্বাস্থ্য বিভাগক কিছু হ’লেও সহযোগ আগবঢ়াব পৰা যাব বুলি দেৱালয় পৰিচালনা সমিতিসমূহে আশা প্ৰকাশ কৰিছে ।

লগতে পঢ়ক:Assam State Zoo : দুপালি ভেকচিন ল’লেহে প্ৰৱেশ কৰিব পাৰিব চিৰিয়াখানাত