গোটেই অসমবাসী নৰেন্দ্ৰ মোডীৰ পক্ষত আছেঃ চাহনৱাজ হুছেইন

বৰঝাৰ বিমানবন্দৰত বিজেপিৰ মুখপাত্ৰ চাহনৱাজ হুছেইনৰ সংবাদমেল ৷ সংবাদমেলত কংগ্ৰেছ দলক কটাক্ষ কৰাৰ বিপৰীতে মোডীৰ প্ৰশংসাত পঞ্চমুখ হৈ পৰে মুখপাত্ৰ গৰাকী

দক্ষিণ কামৰূপ, 22 এপ্ৰিলঃ বৰঝাৰ বিমানবন্দৰত বিজেপিৰ মুখপাত্ৰ চাহনৱাজ হুছেইনৰ সংবাদমেল ৷ সাংবাদিকৰ লগত মতবিনিময় কৰি কংগ্ৰেছ সভাপতি ৰাহুল গান্ধীক সমালোচনাৰে থকা-সৰকা কৰাৰ বিপৰীতে মোডীৰ প্ৰশংসাত পঞ্চমুখ হৈ পৰে মুখপাত্ৰগৰাকী ৷

• "গোটেই অসমবাসী নৰেন্দ্ৰ মোডীৰ পক্ষত আছে । নৰেন্দ্ৰ মোডীক প্ৰধানমন্ত্ৰী বনাবৰ বাবে সকলোৱে ভোট দিছে "

• "অসমত আমি ১০০ শতাংশই জয়ী হ'ম ইয়াত কোনো সন্দেহ নাই "

"কলম্বো আক্ৰমণক তীব্ৰ ভাষাৰে নিন্দা কৰিছো । এই আক্ৰমণৰ বিৰুদ্ধে গোটেই বিশ্ব একগোট হ'ব লাগিব "

"নৱজিৎ সিং সিদ্ধুৱে ভাষাৰ মৰ্যদা ভাঙিছিল, এতিয়া ৰাহুল গান্ধীয়ে সিদ্ধুক নৰেন্দ্ৰ মোডীক গালি দিয়াৰ নতুন ঠিকা দিছে "

সাংবাদিকৰ জৰিয়তেই কংগ্ৰেছ সভাপতি ৰাহুল গান্ধীক এই সন্দৰ্ভত ক্ষমা খোজাৰো আহ্বান জনালে বিজেপি ৰাষ্ট্ৰীয় মুখপাত্ৰ চাহনাজ হুছেইনে ।

লগতে বৰঝাৰ বিমানবন্দৰৰ পৰাই অসমবাসীক ভোট দিয়াৰ বাবে অনুৰোধ জনালে চাহনাজ হুছেইনে । আনহাতে বৰঝাৰ বিমানবন্দৰত বিজেপিৰ প্ৰভাৰী মহেন্দ্ৰ সিঙে অসমখন গোটেই মোডীময় হোৱা বুলি মন্তব্য কৰে ।