গুৱাহাটী,১৭ মাৰ্চঃ ২২ মাৰ্চৰ পুৱা ১০.৩০ বজাত দিল্লীৰ পৰা পোনে পোনে আহি ডিব্ৰুগড়ত উপস্থিত হ’ব বিজেপিৰ ৰাষ্ট্ৰীয় সভাপতি জে পি নাড্ডা । দিনৰ ১১ বজাত টিংখাঙত দলীয় প্ৰাৰ্থী বিমল বৰাৰ হৈ নিৰ্বাচনী প্ৰচাৰ সভাত ভাগ ল’ব নাড্ডাই । টিংখাঙৰ সভা শেষ কৰি নাড্ডা উৰা মাৰিব তিতাবৰ অভিমুখে ।
টিংখাং-বিহালী-তিতাবৰলৈ পুনৰ আহিব জে পি নাড্ডা
প্ৰথম পৰ্যায়ত নিৰ্বাচন অনুষ্ঠিত হ’বলগীয়া তিনিটাকৈ সমষ্টিত প্ৰচাৰ চলাবলৈ পুনৰ ২২ মাৰ্চত অসমলৈ আহিব বিজেপিৰ ৰাষ্ট্ৰীয় সভাপতি জে পি নাড্ডা । এদিনীয়া ভ্ৰমণসূচী লৈ আহিবলগীয়া নাড্ডাই তিতাবৰ, বিহালী আৰু টিংখাঙত তিনিখনকৈ প্ৰচাৰ সভাত ভাগ ল’ব ।
টিংখাং, বিহালী, তিতাবৰলৈ পুণৰ আহিব জে পি নাড্ডা
তিতাবৰৰ বিজেপি প্ৰাৰ্থী তথা প্ৰাক্তন অগপ নেতা হেমন্ত কলিতাৰ হৈ দিনৰ ১ বজাত এখন নিৰ্বাচনী সভাত ভাগ ল’ব নাড্ডাই । সভাখন শেষ কৰিয়েই তৃতীয়খন নিৰ্বাচনী সভাত ভাগ লোৱাৰ উদ্দেশ্যে ৰাওনা হ’ব বিহালীলৈ । দিনৰ ৩ বজাত বিহালীৰ বিজেপি প্ৰাৰ্থী তথা মন্ত্ৰী ৰঞ্জিত দত্তৰ এখন নিৰ্বাচনী সভাত অংশগ্ৰহণ কৰি বিয়লি ৪ বজাত নাড্ডাই তেজপুৰৰ পৰা পশ্চিমবংগ অভিমুখে উৰা মাৰিব ৷
লগতে পঢ়কঃবৰপেটাত পুনৰ ৪,১৬,৫০০ টকা জব্দ