গুৱাহাটী, 9 মাৰ্চ: মহানগৰীৰ মাছখোৱা লাচিতঘাটত দুদিনীয়াকৈ অনুষ্ঠিত হোৱা ফাগুন মহোৎসৱৰ দেওবাৰে সফল সামৰণি পৰে । গীত, নৃত্য, কবিতা, মুকাভিনয়ৰে জীপাল হৈ পৰে সামৰণি অনুষ্ঠান । যুৱ প্ৰতিভাক জাগ্ৰত কৰাৰ উদ্দেশ্যে ভি আছামে আয়োজন কৰিছে এই মহোৎসৱৰ ।
এই মহোৎসৱত কবিতা পাঠ, কণ কণ শিশুৰ মাজত চিত্ৰাংকন প্ৰতিযোগিতা, ফেশ্বন শ্ব', চিত্ৰ প্ৰদৰ্শনী আদিৰ দৰে অনুষ্ঠান অনুষ্ঠিত কৰা হয় । ইয়াৰোপৰি মুকাভিনয়ৰে উপস্থিত দৰ্শকক মন্ত্ৰমুগ্ধ কৰে মিনাংক ডেকাই । প্ৰথমবাৰৰ অনুষ্ঠিত ফাগুন মহোৎসৱৰ শেষৰ দিনটোত যথেষ্ট লোকৰ সমাগম ঘটা পৰিলক্ষিত হয় । ইফালে মহোৎসৱৰ সামৰণি অনুষ্ঠানত 'কহুৱা' শীৰ্ষক এখন কেলেণ্ডাৰ উন্মোচন কৰা হয় ।
ফাগুন মহোৎসৱ