ধুবুৰীত পিস্তলসহ গ্ৰেপ্তাৰ এজন

পুৱতি নিশা ধুবুৰী অভিমুখী যাত্ৰীবাহী বাছত আহি থকা অৱস্থাত আৰক্ষীৰ হাতত ধৰা পৰিল হাচেম আলী নামৰ এজন অবৈধ অস্ত্ৰ সৰবৰাহকাৰী যুৱক ।

ৰাজ্যত অভাৱনীয় হাৰত বৃদ্ধি পাইছে অবৈধ অস্ত্ৰৰ চোৰাং বেহা । প্ৰতিবেশী ৰাষ্ট্ৰ চীনত নিৰ্মিত অস্ত্ৰ সৰবৰাহকাৰীৰ বাবে এতিয়া অসম হৈ পৰিছে স্বৰ্গ স্বৰূপ । ধুবুৰীত আজি পুৱতি নিশা গৌৰীপুৰ আৰক্ষী আৰু সেনাৰ যুটীয়া অভিযানত মেগজিন সহ অবৈধ অস্ত্ৰৰ সৈতে আটক হয় এজন । গোপন তথ্যৰ পম খেদি এছ ০১চি- ৮৬৩৬ নম্বৰৰ এখন যাত্ৰীবাহী বাছত চলোৱা যুটীয়া অভিযানত গ্ৰেপ্তাৰ হোৱা যুৱকজনৰ পৰা উদ্ধাৰ কৰা হয় চাইনা নিৰ্মিত এটা 7.65 এম এম পিষ্টল । অধিক তথ্য উদ্ঘাটনৰ বাবে যুৱকজনক বৰ্তমান জেৰা অব্যাহত ৰাখিছে ধুবুৰী আৰক্ষীয়ে ।