নগাঁও, 20 এপ্ৰিলঃ বটদ্ৰৱাৰ ভিন্ন অঞ্চলত ক্ৰমাৎ বৃদ্ধি পাইছে অসামাজিক কাৰ্যকলাপ । আৰক্ষীৰ নিৰৱ ভূমিকাৰ ফলতেই বটদ্ৰৱা থানাৰ নিকটৱৰ্তী ধনীয়াভেটি , ৰামপুৰ, হাইডুবি গাঁৱকে ধৰি আন বহুকেইটা অঞ্চলত জুৱাৰ ঘাটিলৈ পৰিণত হোৱাৰ গুৰুতৰ অভিযোগ উঠিছে। অঞ্চলটোৰ কেইজনমান ব্যক্তিৰ লগত বটদ্ৰৱা আৰক্ষী থানাৰ এজন উচ্চ পদস্থ বিষয়াৰ মিতিৰালিৰ বাবেই জুৱাৰ বেহা চলাৰ অভিযোগ উত্থাপন কৰিছে স্থানীয় ৰাইজে । তাৎপৰ্যপূৰ্ণ কথা এই যে, অসামাজিক কাৰ্যকলাপ বন্ধ কৰিবলৈ কোনো লোক আগবাঢ়ি আহিলেও মৃত্যুৰ ভাবুকি প্ৰদান কৰে ৷ যাৰ বাবে বাধা দিবলৈ সাহস কৰা নাই অঞ্চলটোৰ সাধাৰণ ৰাইজে ।
বটদ্ৰৱাত মুকলিকৈ চলিছে জুৱাৰ বেহা