আগৰতলা, ১৩ ডিচেম্বৰ : ত্ৰিপুৰা চৰকাৰে ৰাজ্যজুৰি সকলো জলাশয়ৰ বহনক্ষম ব্যৱহাৰৰ বাবে 'Lease Policy for Government-owned water bodies of Tripura 2021’ নামৰ এক লীজ নীতি প্ৰস্তুত কৰিছে । এই সম্পৰ্কত এখন সংবাদমেল সম্বোধন কৰি জনজাতীয় কল্যাণ তথা মীন বিভাগৰ দায়িত্বত থকা মন্ত্ৰী মেভাৰ কুমাৰ জামাতিয়া(Tripura minister Mevar Kumar Jamatia )ই কয়, 'Lease Policy for Government-owned water bodies of Tripura 2021’ শীৰ্ষক বৈজ্ঞানিক পিচিকালচাৰৰ বাবে উপযুক্ত সকলো চৰকাৰী ভূমিক জলাশয়ৰ বহনক্ষম ব্যৱহাৰৰ বাবে প্ৰস্তুত কৰা হৈছে ।
মেভাৰে পুনৰ কয় যে, বৰ্তমান ৰাজ্যখনৰ চৰকাৰী ভূমিত ৬৪৫.৫৪ হেক্টৰ এলেকা থকা ১৫০২ টা জলাশয় আছে যিবোৰ মাছ উৎপাদনৰ ক্ষেত্ৰত সঠিক ৰূপত ব্যৱহাৰ হোৱা নাই । বিভিন্ন বিভাগৰ মালিকানাধীন ভূমিত অদূৰ ভৱিষ্যতে জলাশয় বৃদ্ধি কৰাৰ সম্ভাৱনা আছে । এই জলাশয়সমূহক সম্পূৰ্ণ উৎপাদনৰ সম্ভাৱনাৰ সৈতে ব্যৱহাৰ কৰিলে ৰাজ্যখনত মৎস্য উৎপাদন বহুগুণে বৃদ্ধি হ'ব(Tripura minister Mevar on fish production) ।