নেশ্যনেল ডেস্ক, ২৮ জুন: হোৱাটছএপ (Whatsapp) ৰ দৰেই টেলিগ্ৰাম (Telegram) ব্যৱহাৰকাৰীয়েও এতিয়াৰে পৰা গ্ৰুপ ভিডিঅ' কল (Group Video Call) ৰ সুবিধা লাভ কৰিব । টেলিগ্ৰামৰ আইঅ'এছ(IOS), এণ্ড্ৰইড(Android) আৰু ডেস্কটপ(Desktop) এপৰ শেহতীয়া সংস্কৰণৰ সৈতে মেচেজিং এপটো ব্যৱহাৰকাৰীসকলৰ বাবে ভিডিঅ' কনফাৰেন্স কল (Video Conference Call) ৰ সুবিধা উপলব্ধ কৰোৱা হৈছে । যিকোনো ব্যৱহাৰকাৰীৰ ভিডিঅ' ফীড স্ক্ৰীণত পিন কৰাৰ বিকল্প আছে আৰু দুজনৰ মাজত সংযোগ স্থাপন হোৱাৰ লগে লগে নতুন অংশগ্ৰহণকাৰীও ভিডিঅ' কলত যোগদান কৰিব পাৰে । ব্যৱহাৰকাৰীসকলে আপোনাৰ স্ক্ৰীণ শ্বেয়াৰো কৰিব পাৰিব ।
ইয়াৰ জৰিয়তে তেওঁলোকে প্ৰেজেণ্টেচন অথবা যিকোনো ফটো দেখুৱাই আলোচনা কৰাত সুবিধাজনক হ'ব । একে সময়তে কেমেৰা ফীড আৰু স্ক্ৰীণ দুয়োটা শ্বেয়াৰ কৰাৰ বিকল্প আছে । এটা গ্ৰুপ ভিডিঅ' কলত বৰ্তমান ৩০ জন লোকে অংশগ্ৰহণ কৰিব পাৰিব । টেলিগ্ৰামৰ তৰফৰ পৰা জনোৱা মতে, লাইভ ইভেণ্ট(Live Event) আৰু অন্যান্য নতুন সুবিধা লাভৰ বাবে ভইচ চেট সম্প্ৰসাৰিত কৰাৰ লগে লগে অংশগ্ৰহণকাৰীৰ সংখ্যাও বৃদ্ধি কৰা হ'ব ।