আগৰতলা, 17 জুলাই :শনিবাৰে ত্ৰিপুৰাৰ ধলাই জিলাৰ অন্তৰ্গত চাউমানুৰ দয়াৰাম কৰবাৰী জুনিয়ৰ বেচিক ইংৰাজী মাধ্যম বিদ্যালয়ত মধ্যাহ্ন ভোজন গ্ৰহণ কৰি অসুস্থ হৈ পৰে প্ৰায় ৩৫ গৰাকী ছাত্ৰ-ছাত্ৰী ৷ জানিব পৰা মতে, খাদ্য গ্ৰহণ কৰাৰ পিছত বিদ্যালয়তে ছাত্ৰ-ছাত্ৰসকলে পেটৰ বিষ, দুৰ্বলতা, বমি আদি সমস্যাত ভোগে । ইয়াৰ পিছতে তেওঁলোকক ততাতৈয়াকৈ চিকিৎসালয়লৈ প্ৰেৰণ কৰা হয়(Students fell ill after having mid day meal food) ।
এই ঘটনা সন্দৰ্ভত স্থানীয় বিজেপি বিধায়ক সম্ভূলাল চাকমাই মন্তব্য প্ৰকাশ কৰি কয় যে, প্ৰথম শ্ৰেণীৰ পৰা তৃতীয় শ্ৰেণীৰ শিক্ষাৰ্থীসকলে প্ৰথমে একে খাদ্য গ্ৰহণ কৰিছিল যদিও কোনো সমস্যাৰ সন্মুখীন হোৱা নাছিল যদিও একে খাদ্য গ্ৰহণ কৰাৰ পিছতে চতুৰ্থ আৰু পঞ্চম শ্ৰেণীৰ ছাত্ৰ-ছাত্ৰীসকল হঠাৎ অসুস্থ হৈ পৰে ৷ বিধায়কগৰাকীয়ে লগতে কয়, প্ৰথম অৱস্থাত শনিবাৰে মধ্যাহ্ন ভোজনৰ বাবে চৰকাৰী ষ্টক শেষ হোৱাৰ বাবে শিক্ষকসকলে স্থানীয় বজাৰৰ পৰা মচুৰ দাইলৰ লগতে অন্য সামগ্ৰী ক্ৰয় কৰিছিল । সেয়াও এই সমস্যাৰ আঁৰৰ অন্যতম কাৰণ হ’ব পাৰে ৷