নেশ্যনেল ডেস্ক,৩১ আাগষ্ট: উচ্চতম ন্যায়ালয়ৰ ন্যায়াধীশৰ ফোনলৈ অহা এটা হোৱাটচএপ বাৰ্তাক লৈ অসন্তুষ্টি প্ৰকাশ ন্যায়াধীশগৰাকীৰ(SC judge unhappy over WhatsApp message) । উচ্চতম ন্যায়ালয়ৰ ন্যায়াধীশ এছ কে কৌলে মঙলবাৰে কিছুমান বিনিয়োগকাৰীৰ ওপৰত অসন্তুষ্টি প্ৰকাশ কৰে । যিসকলক এটা কোম্পানীয়ে প্ৰতাৰণা কৰিছিল । ইয়াৰ পাছতেই বিনিয়োগকাৰীসকলে তেওঁলৈ হোৱাটছএপ বাৰ্তা প্ৰেৰণ কৰিছিল । যাৰ বাবে তেঁও সতৰ্ক কৰি দিছিল যে ভবিষ্যতে এনে কৰিলে বিশেষ ব্যৱস্থা গ্ৰহণ কৰিব(Supreme Court judge warns investors) । যদি বিনিয়োগকাৰীসকলে এনে কাৰ্য কৰা বন্ধ নকৰে তেন্তে বিষয়টোৰ শুনানিৰ পৰা নিজকে আঁতৰাই ৰাখিব ।
ন্যায়াধীশ এ এছ ওকাৰ সৈতে বিচাৰপীঠখন অন্তৰ্ভুক্ত কৰা ন্যায়াধীশ কৌলে বিনিয়োগকাৰীসকলৰ হৈ উপস্থিত হোৱা অধিবক্তাজনক বিনিয়োগকাৰীসকলৰ সৈতে যোগাযোগ কৰিবলৈ পৰামৰ্শ দিয়ে । তেঁও লগতে উল্লেখ কৰে যে তেওঁৰ মোবাইল হোৱাটচএপৰ বাবে নহয় । এই কথা পূৰ্বতেও উল্লেখ কৰিছিল যদিও কোনো ব্যৱস্থা গ্ৰহণ কৰা নাছিল ন্যায়াধীশ কৌলে । ইয়াৰ পূৰ্বে ৯ ফেব্ৰুৱাৰীৰ নিৰ্দেশত উচ্চতম ন্যায়ালয়ে কিছুমান বিনিয়োগকাৰীক ন্যায়াধীশলৈ বাৰ্তা প্ৰেৰণ কৰাৰ পৰা বিৰত থাকিবলৈ কৈছিল ।