নেশ্যনেল ডেস্ক,২৯ জুন :সমাগত লোকসভা নিৰ্বাচন । তাৰ প্ৰাকক্ষণত প্ৰতিটো ৰাজনৈতিক দলে ৰণনীতি প্ৰস্তুত কৰিছে । বিজেপি দলেও বিভিন্ন নিৰ্বাচনী সিদ্ধান্ত গ্ৰহণ কৰিছে । ইফালে প্ৰধানমন্ত্ৰী মোদীয়েও বিদেশ ভ্ৰমণৰ পাছত নিৰ্বাচনী তৎপৰতা আৰম্ভ কৰিছে । পুনৰ এবাৰ বিজেপিৰ জ্যেষ্ঠসকল বৈঠকত বহিল ।
বুধবাৰে নিশা দলৰ জ্যেষ্ঠ নেতাসকলে প্ৰধানমন্ত্ৰী নৰেন্দ্ৰ মোদীৰ বাসভৱনত এক গুৰুত্বপূৰ্ণ বৈঠকত মিলিত হয় । নেতাসকলে আগন্তুক ২০২৪ চনৰ লোকসভা নিৰ্বাচনৰ ৰণনীতিৰ ওপৰত আলোচনা কৰে । ৫ ঘণ্টাতকৈও অধিক সময় ধৰি চলি থকা এই বৈঠকত গৃহমন্ত্ৰী অমিত শ্বাহ, দলৰ সভাপতি জে পি নাড্ডা আৰু দলৰ ৰাষ্ট্ৰীয় সাধাৰণ সম্পাদক বি এল সন্তোষৰ লগতে অন্যান্যসকলো উপস্থিত থাকে ।
সূত্ৰৰ মতে বৈঠকখনে দলৰ ভিতৰত এক বৃহৎ সালসলনিৰ ইংগিত দিছে । অৱশ্যে, বৈঠক সন্দৰ্ভত বিজেপিৰ পৰা এতিয়ালৈ কোনো আনুষ্ঠানিক বিবৃতি প্ৰকাশ কৰা হোৱা নাই । এই বৈঠকৰ পূৰ্বে গৃহ মন্ত্ৰী অমিত শ্বাহ, জে পি নাড্ডা আৰু বিজেপিৰ সাধাৰণ সম্পাদক (সংগঠন) বি এল সন্তোষে সাংগঠনিক আৰু ৰাজনৈতিক বিষয়ত ব্যাপক আলোচনা কৰে ।