ৰামোজী ফিল্ম চিটি (হায়দৰাবাদ):এক মনোৰম পৰিৱেশত পোহৰৰ এক চমকপ্ৰদ প্ৰদৰ্শনৰ মাজতে, ৰামোজী গ্ৰুপৰ অধ্যক্ষ ৰামোজী ৰাওৰ নাতিনী বৃহত্তিৰ বিবাহ অনুষ্ঠান হায়দৰাবাদৰ ৰামোজী ফিল্ম চিটিত চলি আছে (Ramoji Film City) । কিৰন চেৰুকুৰি আৰু চাইলাজাৰ জীয়ৰী ব্ৰিহাথিয়ে দণ্ডমুদি অমৰ মহন্দাছ আৰু অনিতাৰ পুত্ৰ ভেংকট অক্ষয়ৰ সৈতে বিবাহ পাশত আৱদ্ধ হৈছে। দম্পতীহালে দেওবাৰে পুৱা ১২.১৮ বজাত একেলগে নতুন দিনৰ শপত গ্ৰহণ কৰিব।
পৰিয়াল আৰু বন্ধুবৰ্গৰ উপৰিও, ভিআইপি , ৰাজনৈতিক নেতা আৰু ছবি উদ্যোগৰ তাৰকা সকল এই বিশেষ বিবাহ অনুষ্ঠানত উপস্থিত আছে। বিবাহ অনুষ্ঠানটো এটা বিশেষভাৱে নিৰ্মিত মঞ্চত অনুষ্ঠিত হৈছে। দম্পতীহালক আশীৰ্বাদ দিয়া মুখ্য অংশগ্ৰহণকাৰীসকলৰ ভিতৰত আছিল উপ ৰাষ্ট্ৰপতি ভেংকায়া নাইডু আৰু তেওঁৰ পত্নী ঊষা, ভাৰতৰ মুখ্য ন্যায়াধীশ এন ভি ৰমনা, তেলেংগানাৰ মুখ্যমন্ত্ৰী কে চন্দ্ৰশেখৰ ৰাও, কেন্দ্ৰীয় পৰ্যটন মন্ত্ৰী জি কিষাণ ৰেড্ডী, তেলেংগানাৰ মন্ত্ৰী হৰিশ ৰাও, মহমুদ আলী, ইন্দ্ৰকৰণ ৰেড্ডী আৰু আন কেইজনমান নেতা।