নিউজ ডেস্ক, ৭ ফেব্ৰুৱাৰী : উত্তৰ প্ৰদেশৰ এলাহাবাদ কেন্দ্ৰীয় বিশ্ববিদ্যালয়ৰ উপাচাৰ্য্য সংগীতা শ্ৰী বাস্তৱৰ এক ডাঙৰ সিদ্ধান্ত । বিশ্ববিদ্যালয়খনৰ ভেটি সুদৃঢ় কৰিবলৈ এই সিদ্ধান্ত গ্ৰহণ কৰে সংগীতা শ্ৰী বাস্তৱে । এতিয়াৰে পৰা বিশ্ববিদ্যালয়খনৰ প্ৰৱক্তাসকলে এজাহাৰ দাখিল কৰিবলৈ বিভাগীয় কৰ্তৃপক্ষৰ অনুমতি গ্ৰহণ কৰিব লাগিব ।
বিশ্ববিদ্যালয়খনৰ আভ্যন্তৰীণ বাক-বিতণ্ডা সন্দৰ্ভত কোনো সহকৰ্মীৰ বিৰুদ্ধে পোনপটীয়াকৈ আৰক্ষী থানাত উপস্থিত হৈ অভিযোগ দাখিল কৰিব নোৱাৰিব । সৰ্বপ্ৰথমে বিভাগীয় অধ্যক্ষ আৰু ডীনক বিষয় সন্দৰ্ভত অৱগত কৰিব লাগিব । পাচত তেওঁলোকে বিষয়টো পৰ্যবেক্ষণ কৰিব । যদিহে উক্ত বিষয়টো এজাহাৰ দাখিল কৰিবলগীয়া হয় তেন্তে বিভাগীয় অধ্যক্ষ আৰু ডীনৰ তৰফৰ পৰা এজাহাৰ দাখিল কৰিব ।