নিউজ ডেস্ক, 20 নৱেম্বৰঃ সমগ্ৰ দেশৰ লগতে ৰাজ্যৰ বিভিন্ন প্ৰান্তত শুক্ৰবাৰে পালন কৰা হৈছে ষট পূজা ৷ এই উপলক্ষে দেশবাসীক এক টুইটাৰ যোগে শুভেচ্ছা জনালে দেশৰ ৰাষ্ট্ৰপতি ৰাম নাথ কোবিন্দে ৷
কোবিন্দে টুইটাৰত লিখিলে, ' দেশৰ সকলো প্ৰান্তৰ লোককে ষট পূজা উপলক্ষে শুভেচ্ছা জনাইছো ৷ ষট মায়াই দেশৰ সকলো লোকৰে সুস্বাস্থ্য আৰু সমৃদ্ধিৰ বাবে আৰ্শীবাদ কৰক ৷ আজি এই উৎসৱৰ দিনটোত পৰিবেশ সুৰক্ষা আৰু সংৰক্ষণৰ বাবে সকলোৱে সংকল্পবদ্ধ হওক ৷' তদুপৰি পূজাৰ সময়ত প্ৰতিজন ব্যক্তিকেই কভিড-19 ৰ প্ৰতি জনসচেতনতা বজাই ৰাখবলৈও আহ্বান জনাই কোবিন্দে ৷
উল্লেখ্য যে হিন্দু কেলেণ্ডাৰ কাৰ্টিক মাহৰ ষষ্ঠ দিনটোত উদযাপন কৰা হয় ষট পূজা ৷ অৰ্থাৎ ষট পূজা দেপাৱলীৰ উদযাপন কৰা পিচৰ চতুৰ্থ দিনটোত পালন কৰা হয় ৷