নেশ্যনেল ডেস্ক, 29 ছেপ্টেম্বৰ : কিছু জন্তু তথা পশু-পক্ষী এটা বিশেষ অঞ্চল অথবা বিশেষ প্ৰতিষ্ঠানৰ বাবে পৰিচয়স্বৰূপ হৈ পৰে ৷ ঠিক সেইদৰে ডেৰাডুন পক্ষীগৃহৰ অন্যতম চিনাকি নাম আছিল ৰাণী ৷ শুকুৰবাৰে ডেৰাডুনবাসীক কন্দুৱাই ইহ সংসাৰৰ পৰা মেলানি মাগে ৰাণীয়ে ৷ আজিৰ পৰা 25 বছৰৰ পূৰ্বে ডেৰাডুন পক্ষীগৃহলৈ অনা হৈছিল ৰাণীক ৷ তেতিয়াৰ পৰাই পৰ্যটকৰ অন্যতন আকৰ্ষণ আছিল ৰাণী ৷ ৰাণীৰ বিয়োগত পৰ্যটকসকলেও শোক প্ৰকাশ কৰিছে ৷
ডেৰাডুন চিৰিয়াখানাৰ স্থাপনৰ প্ৰায় কেইমাহমানৰ পিচতে 2001 চনৰ আৰম্ভণিতে প্ৰায় 2 ৰ পৰা 3 মাহ বয়সত ৰাণীক পক্ষীঘৰলৈ অনা হৈছিল ৷ তাৰ পিচতে পক্ষীটো ৰাণী নামেৰে নামকৰণ কৰা হৈছিল ৷ ৰাণীক বন বিভাগৰ কৰ্মীয়ে টহল দি থাকোঁতেই লেন্সডাউন বিভাগৰ পৰা উদ্ধাৰ কৰিছিল ৷ ইয়াৰ পিছত, ৰাণীক ডেৰাডুনৰ চিৰিয়াখানালৈ পঠোৱাৰ সিদ্ধান্ত লৈছিল ৷ তেতিয়াৰ পৰা ৰাণীৰ সৌন্দৰ্যই চিৰিয়াখানা আৰু পৰ্যটকৰ বাবে আকৰ্ষণৰ কেন্দ্ৰবিন্দু হৈ পৰিছিল ৷ মৃত্যুৰ সময়ত ৰাণীৰ বয়স আছিল 23 বছৰ ৷