এতিয়াৰে পৰা WhatsApp ত লাভ কৰিব টীকাকৰণৰ প্ৰমাণপত্ৰ

মাত্ৰ তিনিটা সহজ পদক্ষেপতে এতিয়া লাভ কৰিব পৰা যাব ক'ভিড-19 প্ৰতিষেধক গ্ৰহণৰ প্ৰমাণপত্ৰ ৷ MyGov Corona হেল্পডেস্কৰ জৰিয়তে ৰাইজে লাভ কৰিব পাৰিব এই প্ৰমাণপত্ৰ ৷ 'covid certificate' বুলি টাইপ কৰি WhatsApp যোগে সকলো লাভ কৰিব টীকাকৰণৰ প্ৰমাণপত্ৰ ৷

নেশ্যনেল ডেস্ক, 9 আগষ্ট : এতিয়াৰে পৰা ছেকেণ্ডৰ ভিতৰতে উপলব্ধ হ'ব ক'ভিড টীকাকৰণৰ প্ৰমাণপত্ৰ ৷ দেওবাৰে কেন্দ্ৰীয় স্বাস্থ্যমন্ত্ৰী মনসুখ মাণ্ডাৱিয়াৰ কাৰ্যালয়ে সদৰী কৰা তথ্য অনুসৰি, ক'ভিড প্ৰতিষেধক গ্ৰহণ কৰা নাগৰিকসকলে এতিয়াৰে পৰা WhatsApp ৰ জৰিয়তে ছেকেণ্ডৰ ভিতৰতে টীকাকৰণৰ প্ৰমাণপত্ৰ লাভ কৰিব পাৰিব ৷ প্ৰতিষেধক গ্ৰহণ কৰা লোকসকলে CoWin portal ত লগ ইন কৰি তেওঁলোকৰ টীকাকৰণৰ প্ৰমাণপত্ৰ লাভ কৰিব পাৰিব ৷

এই সন্দৰ্ভত টুইটযোগে মাণ্ডাৱিয়াৰ কাৰ্যালয়ে সদৰী কৰা তথ্য অনুসৰি, তিনিটা সহজ পদক্ষেপেৰে MyGov Corona Helpdesk ৰ জৰিয়তে প্ৰতিষেধক গ্ৰহণ কৰা লোকসকলে প্ৰমাণপত্ৰ লাভ কৰিব পাৰিব ৷ +91 9013151515 নম্বৰত covid certificate বুলি লিখি প্ৰেৰণ কৰাৰ পাচত OTP দি সকলোৱে ক'ভিড প্ৰতিষেধক গ্ৰহণ কৰাৰ প্ৰমাণপত্ৰ লাভ কৰিব পাৰিব ৷

ক'ভিড ব্যৱস্থাপনাক লৈ চৰকাৰৰ বিৰুদ্ধে সঘনে আক্ৰমণাত্মক স্থিতি গ্ৰহণ কৰি অহা জ্যেষ্ঠ কংগ্ৰেছী নেতা শশী থাৰুৰেও WhatsApp ৰ মাধ্যমেৰে টীকাকৰণৰ প্ৰমাণপত্ৰ প্ৰদানৰ বাবে চৰকাৰে লোৱা ব্যৱস্থাক প্ৰশংসা কৰে ৷

টুইটযোগে থাৰুৰে কয় যে, চৰকাৰে কৰা উচিত কামৰ তেওঁ সদায়েই প্ৰশংসা কৰি আহিছে ৷ Cowinৰ সমালোচক হিচাপে থাৰুৰৰ মতে চৰকাৰে এয়া এক ডাঙৰ কাম কৰি দেখুওৱাইছে ৷ প্ৰাপ্ত তথ্য অনুসৰি দেওবাৰে পুৱা 7 বজালৈকে দেশত 58,51,292 টা sessions ৰ জৰিয়তে 50,68,10,492 প্ৰতিষেধক প্ৰদান কৰা হৈছে ৷ এদিনত 55,91,657 টা প্ৰতিষেধক প্ৰদান কৰা হৈছে ৷

লগতে পঢ়ক:ক'ভিড প্ৰতিষেধকৰ সংমিশ্ৰনে ভাল ফলাফল দেখুৱাইছে