24 ঘন্টাত দেশত 31,118 জন লোক ক'ৰণাত আক্ৰান্তঃ অসমত 159 জন

24 ঘন্টাত দেশত নতুনকৈ 31,118 জন লোক ক'ৰণাত আক্ৰান্ত হোৱাৰ বিপৰীতে মৃত্যু হৈছে 482 জন লোকৰ ৷ 24 ঘন্টাত আসমত 159 জন লোক ক'ৰণাত আক্ৰান্ত হৈছে যদিও মৃত্যু হোৱা নাই এজনো লোকৰ ৷

নিউজ ডেস্ক, 1 নৱেম্বৰ: দেশত হ্ৰাস পোৱা নাই ক'ৰণাত আক্ৰান্ত ৰোগীৰ সংখ্যা ৷ যোৱা 24 ঘন্টাত দেশত নতুনকৈ 31,118 জন লোক ক'ৰণাত আক্ৰান্ত হোৱাৰ বিপৰীতে মৃত্যু হৈছে 482 জন লোকৰ ৷ ইয়াৰ লগে লগে দেশত কৰ'ণাত আক্ৰান্ত ৰোগীৰ সংখ্যা 94,62,809 জনলৈ বৃদ্ধি পোৱাৰ বিপৰীতে মৃত্যু হোৱা লোকৰ সংখ্যা 1,37,621 জনলৈ বৃদ্ধি পায় ৷

দেশত বৰ্তমানে কৰ'ণা আক্ৰান্ত হৈ চিকিৎসাধীন হৈ থকা ৰোগীৰ সংখ্যা 4,35,603 জন ৷ ইয়াৰ লগতে দেশত বৰ্তমানে কৰ'ণামুক্ত হৈছে 88,89,585 জন ক'ৰণা ৰোগী ৷

ইফালে দেশৰ ভিতৰত ক'ৰণা ভয়াৱহতাৰ শীৰ্ষ স্থানত আছে মহাৰাষ্ট্ৰ ৷ মহাৰাষ্ট্ৰত 18,23,896 জন লোক ক'ৰণাত আক্ৰান্ত হৈছে ৷ ইয়াৰ পিচতে আছে দিল্লী, কেৰালা, পশ্চিম বংগ, ৰাজস্থান, উত্তৰ প্ৰদেশ, হাৰিয়ানা, আৰু ছত্তীশগড় ।

ইফালে যোৱা 24 ঘন্টাত অসমত ক'ৰণাত আক্ৰান্ত হৈছে 159 জন লোক ৷ ইয়াৰে 52 জন হৈছে গুৱাহাটীৰ ৷ উল্লেখ্য যে যোৱা 24 ঘন্টাত ক'ৰণাত আক্ৰান্ত হৈ অসমত এজনো লোকৰ মৃত্যু হোৱা নাই ৷

অসমত বৰ্তমান লৈকে ক'ৰণাত আক্ৰান্ত হোৱা লোকৰ সংখ্যা 212,776 জন ৷ ক'ৰণাৰ পৰা মুক্তি পোৱা লোকৰ সংখ্যা 208,393 জন ৷ ইয়াৰ বিপৰীতে ক'ৰণাত মৃত্যু হোৱা লোকৰ সংখ্যা ৯৮১জন ৷

লগতে পঢ়ক:মানাহ ৰাষ্ট্ৰীয় উদ্যানলৈ সংৰক্ষণৰ উৎকৰ্ষকতাৰ বঁ‌টা