নিউজ ডেস্ক, ৪ জুনঃকেন্দ্ৰীয় চৰকাৰৰ বন্দে ভাৰত আঁচনিৰ জৰিয়তে দেশলৈ উভতাই অহা হৈছে বিদেশত আবদ্ধ বহু লোকক। ইতিমধ্যে এই আঁচনিৰ দ্বীতিয় পৰ্যায়ত ১৮ মে'ৰ পৰা ২ জুনলৈ কুৱেইত,আবু ধাবি,ডুবাই,চিংগাপুৰ,দোহা,চানফ্ৰেনছিচকো,মেলবৰ্ণ আদিকে ধৰি বহুকেইখন বহিঃৰাষ্ট্ৰৰ চহৰৰ পৰা দেশলৈ উভতাই অনা হৈছে বহু ভাৰতীয় নাগৰিকক। মুঠ ২৩ খন বিমানাৰে ভাৰতলৈ উভতাই অনা হৈছে লোকসকলক।
কোভিড-১৯ সংকটৰ সময়ত গৃহ মন্ত্ৰণালয়ৰ গাইডলাইন অনুসৰি বহিঃৰাষ্ট্ৰৰ পৰা দেশলৈ উভতাই অনা হৈছে লোকসকলক। বিমানবন্দৰত উপস্থিত হোৱাৰ পাছতে সকলো যাত্ৰীকে স্ক্ৰীণিঙৰ ব্যৱস্থা কৰাৰ লগতে স্বাস্থ্য পৰীক্ষা কৰোৱা হয়।