ভাৰতবৰ্ষই তালিবান আৰু পাকিস্তানৰ আলোচনাৰ মেজৰ পৰা সদায় নিজকে দূৰত ৰাখি আহিছে আৰু কৈ আহিছে যে ভাল আৰু বেয়া তালিবান বুলি কোনা পাৰ্থক্য নাই । কিন্তু সূত্ৰই দাবী কৰা অনুসৰি আমেৰিকাই ভাৰতবৰ্ষক আভ্যন্তৰীণ ৰাজনৈতিক দিশৰ লগতে তালিবানৰ বিষয়টোৰ প্ৰতি মন দিয়াটো বিচাৰে । এগৰাকী চৰকাৰী বিষয়াই এই বিষয়ে এনেদৰে কয় “আভ্যন্তৰীণ ঘটনা-পৰিঘটনা, নিৰাপত্তাজনিত বিষয়, আমেৰিকা-তালিবানৰ আলোচনাৰ প্ৰভাৱ, আফগানিস্তানৰ বাবে বিভিন্ন ব্যৱস্থাৰ প্ৰস্তাৱ আদি সামগ্ৰি সামগ্ৰিক বিষয় সন্দৰ্ভত বৈদেশিক পৰিক্ৰমা মন্ত্ৰী আৰু ৰাষ্ট্ৰীয় নিৰাপত্তা উপদেষ্টাৰে হোৱা বৈঠকত আলোচনা কৰা হয় ।”
ডহাত মোল্লা বৰাদাৰ আৰু তেওঁৰ দলটোক লগ কৰি ইছলামাবাদ হৈ ট্ৰাম্পৰ ৰাষ্ট্ৰীয় নিৰাপত্তা পৰিষদৰ জ্যেষ্ঠ সঞ্চালক লিছা কাৰ্টিছৰ সৈতে খালিজাদে নতুন দিল্লীলৈ আহে ।
আফগানিস্তানৰ আভ্যন্তৰীণ বিষয়ক আলোচনা ক্ষীপ্ৰতৰ কৰাৰ বাবে ট্ৰাম্প প্ৰশাসন আগ্ৰহী । ইপিনে দেশখনে COVID-১৯ৰ বিৰুদ্ধে যুঁজ দি থকাৰ সময়তে আফগানিস্তানত নিৰাপত্তাৰক্ষী আৰু চৰকাৰী বাহিনীৰ ওপৰত তালিবানৰ আক্ৰমণৰ ঘটনা বৃদ্ধি পোৱাত তালিবানৰ সৈতে আলোচনাত জটিলতা আহিছে । সূত্ৰৰ মতে, সন্ত্ৰাসবাদৰ ফলত আফগানিস্তানৰ প্ৰতি অহা ভাবুকি, নিৰাপত্তাৰক্ষীৰ ওপৰত তালিবানৰ ক্ৰমবৰ্দ্ধমান আক্ৰমণ, আফগানিস্তানৰ সাংবিধানিক বিষয়ৰ লগতে চৰকাৰ, নিৰাপত্তাৰক্ষী আৰু সমাজৰ ওপৰত এইবোৰৰ প্ৰভাৱ আদি বিষয়ে খালিজাদে ভাৰতীয় আলোচনাকাৰীসকলক অৱগত কৰে ।
সূত্ৰৰ ফালৰ পৰা জানিবলৈ দিয়া অনুসৰি ভাৰতে আফগানিস্তানত শান্তি আৰু পুনৰ গঠনৰ বাবে গঠনমূলক ভূমিকা পালন কৰা বুলি আমেৰিকাই প্ৰশংসা কৰে । আফগান ৰাষ্ট্ৰপতি আশ্ৰফ ঘণিৰ সৈতে ভাৰতৰ সৌহাৰ্দ্যপূৰ্ণ পৰিপ্ৰেক্ষিতত ভাৰতবৰ্ষই দেশখনৰ এই আলোচনাৰ প্ৰক্ৰিয়াত অংশ লৈ ফলপ্ৰসূভাৱে অৱনদান যোগাব লাগে বুলিও আমেৰিকাৰ ফালৰ পৰা জনায় ।