নিউজ ডেস্ক, 10 জুলাইঃ কৰ্ণাটকত তীব্ৰ ৰূপ ধাৰণ কৰিছে ৰাজনৈতিক অস্থিৰতাই ৷ অনিশ্চয়তাই দেখা দিছে কংগ্ৰেছ-জেডি(এছ) চৰকাৰখনৰ অস্তিত্বৰ প্ৰতি ৷
শেহতীয়াকৈ দুজন জেডি (এছ) বিধায়কে বিধানসভাৰ অধ্যক্ষৰ হাতত পদত্যাগ পত্ৰ দাখিল কৰিছে ৷ ইয়াৰ লগে লগে পতদ্যাগী বিধায়কৰ সংখ্যা 16জনলৈ বৃদ্ধি পালে ৷
ইপিনে কৰ্ণাটকৰ পদত্যাগী বিধায়কসকলে আৰক্ষী আয়ুক্তলৈ পত্ৰ প্ৰেৰণ কৰাৰ পিছতে মুম্বাইত আটক কংগ্ৰেছ নেতা আৰু কৰ্ণাটকৰ মন্ত্ৰী ডি কে শিৱকুমাৰক ৷ কালিনা বিশ্ববিদ্যালয়ৰ অতিথিশালাত ৰখা হৈছে তেওঁক ৷
ইয়াৰ উপৰিও কংগ্ৰেছ নেতা গোলাম নাবি আজাদক কৰ্ণাটক আৰক্ষীয়ে বেংগালুৰুস্থিত ৰাজভৱনৰ সমীপৰ পৰা প্ৰতিবাদ কৰি থকা অৱস্থাত আটক কৰে ৷