মুম্বাইত তাণ্ডৱ চলায় মধ্যপ্ৰদেশৰ দিশে ঘূৰ্ণী বতাহ নিসৰ্গ !
গতি পথ সলনি হৈছে ঘূৰ্ণী বতাহ 'নিসৰ্গ'ৰ ৷ গতি পৰিৱৰ্তনলৈ লক্ষ্য কৰি ঘূৰ্ণী বতাহজাকে নাচিক,জলগাঁও আৰু মধ্য প্ৰদেশৰ দিশে গতি কৰিব বুলি বতৰ বিজ্ঞান কেন্দ্ৰ সূত্ৰত প্ৰকাশ পাইছে ৷ অৱশ্যে প্ৰতি ঘন্টাত 100 কিলোমিটাৰৰ অধিগ বেগত বলা বতাহৰ বাবে মুম্বাই আৰু ৰায়গড় কিছু পৰিমাণে ক্ষতিৰ সন্মুখীন হৈছে ৷
গালৱান উপত্যকাৰ ভাৰত-চীন সীমান্তত চীনা সৈন্যৰ অৱস্থান !
গালৱান উপত্যকাৰ এটা অঞ্চলত চীনৰ লাইন অৱ এক্সুৱেল কন্ট্ৰ'লৰ পৰা কিছুদূৰৈত চীনা সৈন্যই অৱস্থান ৷ দুয়োখন দেশৰ মাজত অব্যাহত আছে সীমা বিবাদ ৷ লাডাখত সংঘটিত সীমা বিবাদ সমাধানৰ বাবে ভাৰত-টীনৰ মাজত আলোচনা চলি থকাৰ মাজতে গালৱান নালা সীমান্ত অঞ্চলৰ পৰা মাত্ৰ কেইশ মান খোজ দূৰত অৱস্থান কৰিছে চীনা সৈন্যই ৷ গালৱান উপত্যকাৰ এটা অঞ্চলত চীনৰ লাইন অৱ এক্সুৱেল কন্ট্ৰ'লৰ পৰা কিছুদূৰৈত চীনা সৈন্যই অৱস্থান কৰা বুলি প্ৰকাশ কৰিছে বিশেষ সূত্ৰই ৷
অসমত ILP কাৰ্যকৰী কৰণঃ কেন্দ্ৰলৈ জাননী উচ্চতম ন্যায়ালয়ৰ
দেশৰ সৰ্বোচ্চ ন্যায়ালয়ে বেংগল ইষ্টাৰ্ণ ফ্ৰণ্টিয়াৰ ৰেগুলেছন (BEFR) সংশোধন আৰু অসমত ইনাৰ লাইন পাৰ্মিট নাকচ সম্পৰ্কে কৰা আবেদন নাকচ কৰে। আনহাতে অসমৰ বিভিন্ন ছাত্ৰ সন্থাই দাখিল কৰা লেখ আবেদনৰ উত্তৰ বিচাৰিও কেন্দ্ৰলৈ জাননী প্ৰেৰণ কৰে উচ্চতম ন্যায়ালেয় ।
গৰ্ভৱতী হাতী হত্যা : দোষীক উপযুক্ত শাস্তি দিয়াৰ আশ্বাস কেৰালাৰ মুখ্যমন্ত্ৰীৰ !
গৰ্ভৱতী হাতীক ফটাকাযুক্ত আনাৰস খুৱাই হত্যা কৰা দোষী দিয়া হ'ব কঠোৰ শাস্তি ৷ কেৰালাৰ মুখ্যমন্ত্ৰী পি. বিজয়ানে ঘোষণা কৰিছে এই কথা ৷ কেৰালাত ফটাকাযুক্ত আনাৰস খুৱাই এজনী গৰ্ভৱতী হাতী হত্যা কৰা ঘটনাই সৰ্বত্ৰে চৰ্চা লাভ কৰিছে ৷ চ'ছিয়েল মিডিয়াত বিভিন্নজনে বিভিন্ন ধৰণে পোষ্ট দি শোক প্ৰকাশ কৰা পৰিলক্ষিত হৈছে ৷ একাংশই এশ শতাংশ শিক্ষিত হৈও মানৱতাহীন বুলি ককৰ্থনা কৰিছে ৰাজ্যখনক ৷ যোৱা 27 মে'ত সংঘটিত হৈছিল এই নৃশংস ঘটনা ৷
ভাৰত-ভূটানৰ মাজত পৰিৱেশ সম্পৰ্কীয় চুক্তি স্বাক্ষৰ
বুধবাৰে কেন্দ্ৰীয় মন্ত্ৰী মণ্ডলে ভাৰত-ভূটানৰ মাজত নিৰাপত্তা,জলবায়ু পৰিৱৰ্তন আদিৰ ক্ষেত্ৰত এখন চুক্তি স্বাক্ষৰ কৰা হয় ৷ প্ৰধানমন্ত্ৰী নৰেন্দ্ৰ মোডীৰ অধ্যক্ষতাত দুয়োখন দেশৰ মাজত স্বাক্ষৰিত কৰা হয় চুক্তিখন ৷ চুক্তি স্বাক্ষৰিত কৰি দুয়োখন দেশে পৰিৱেশ পাৰস্পৰিকতা আৰু অধিক দৃঢ় হ'ব বুলি বিশ্বাসী ৷