নিউজ ডেস্ক, ২ মে': জয়পুৰৰ পৰা বিহাৰ আৰু ঝাৰখণ্ডলৈ চলাচল কৰিছে বিশেষ ৰে'ল সেৱা । লক ডাউনৰ বাবে জয়পুৰত আৱদ্ধ হৈ থকা বিহাৰ আৰু ঝাৰখণ্ডৰ শিক্ষাৰ্থী তথা প্ৰৱাসী শ্ৰমিকক গৃহ ৰাজ্যলৈ ঘূৰাই নিয়াৰ উদ্দেশ্য চলাচল কৰা হৈছে এই বিশেষ ৰে'ল সেৱা ।
প্ৰায় ২,৪০০ গৰাকী শিক্ষাৰ্থী আৰু প্ৰৱাসী শ্ৰমিকক এই ৰে'ল সেৱাৰ জৰিয়তে নিজ নিজ গৃহ ৰাজ্যলৈ লৈ ঘূৰাই পঠিওৱা হয় ।
শুকুৰবাৰে কোটাৰ পৰা নিশা ১২ বজাত ঝাৰখণ্ডৰ ৰাঞ্চীলৈ চলে এখন বিশেষ ৰে'ল । আনহাতে, শনিবাৰে পুৱা ১২.২০ বজাত প্ৰায় ১২০০ শ্ৰমিকৰ সৈতে জয়ুৰৰ পৰা পাটনালৈ ৰাওনা হয় আন এখন ৰে'ল ।
অতিৰিক্ত মুখ্য সচিব সুবোধ আগৰৱাল তথা ৰাজ্য শ্ৰমিক আৰু প্ৰৱাসী শ্ৰমিকৰ সমস্যা সমাধান সন্দৰ্ভত গঠন কৰা সমিতিৰ অধ্যক্ষ গৰাকীয়ে কয় যে, ২ মে' ৰ পৰা প্ৰত্যেক দিনাই মুঠ পাঁচখন বিশেষ ৰে'ল চলাচল হ'ব । প্ৰৱাসী শ্ৰমিক আৰু শিক্ষাৰ্থীসকলক নিজ গৃহ ৰাজ্যলৈ ঘূৰাই পঠিয়াৰ বাবেই চলিব এই ৰে'ল ।
লগতে অধ্যক্ষ গৰাকীয়ে কয় যে, ইতিমধ্যে ৩৮,০০০ গৰাকী শ্ৰমিকক তেখেতসকলৰ নিজ নিজ গৃহৰাজ্যলৈ প্ৰেৰণ কৰে । ইয়াৰ ভিতৰত মধ্য প্ৰদেশৰ ২৭,০০০. পঞ্জাৱৰ ৬,১ ৯৭ আৰু হাৰিয়ানাৰ ২,৩৮৭ গৰাকী শ্ৰমিক আছিল বুলি সদৰী কৰে ।