কোৱাৰেন্টাইনত থকাৰ পিচত মাতৃ কন্যাৰ মিলনে চুই যাব আপোনাৰ হৃদয় !

কৰ্ণাটকৰ বেলগাভী জিলাক এখন কোভিড-19 চিকিৎসালয়ত চিকিৎসা আগবঢ়াই থকা এগৰাকী নাৰ্ছে 14 দিন আছুতীয়াকৈ নিৰীক্ষণত থকাৰ পিচতে নিজৰ কন্য়াৰ সৈতে দেখাদেখি হয় ৷ মাতৃ কন্যাৰ এই দৃশ্যই ভৰাই তুলিব আপোনাৰ অন্তৰ ৷

নিউজ ডেস্ক, 9 এপ্ৰিলঃসন্মুখৰ পৰা স্বাস্থ্য়সেৱা আগবঢ়াই অহা স্বাস্থ্যকৰ্মীসকলৰ কোভিড-19ৰ সৈতে হোৱা যুঁজখনত বহুতেই নিজৰ পৰিয়ালৰ পৰা আঁতৰি থাকিবলগীয়া হৈছে ৷ এনে সময়তে পোহৰলৈ অহা এটা দৃশ্যই অন্তৰ চুই যাব আপোনাৰ ৷ এই দৃশ্যত এগৰাকী নাৰ্ছ আৰু তেওঁৰ তিনি বছৰীয়া কন্যাক দেখিবলৈ পোৱা গৈছে ৷

কৰ্ণাটকৰ বেলগাভী জিলাৰ এখন কোভিড-19 চিকিৎসালয়ত কৰ্মৰত সুগন্ধা নামৰ নাৰ্ছগৰাকী আৰু তেওঁৰ তিনিবছৰীয়া কন্যাক দেখিবলৈ পোৱা হৈছে ভাইৰেল হৈ পৰা ভিডিঅ’টোত ৷ সম্পূৰ্ণ 11 দিনৰ অন্তত হোৱা মাতৃ-কন্যাৰ মিলনৰ দৃশ্যই অন্তৰআত্মা চুই যায় বহুতৰে ৷ চিকিৎসালয়খনত কাম কৰি থকাৰ বাবেই সুগন্ধাই কটাবলগীয়া হৈছিল 14 দিনৰ একাকী কুৰানন্টাইন ৷ যাৰ ফলত তেওঁৰ স্বামীয়ে কন্যাক মাতৃয়ে কাম কৰা চিকিৎসালয়খনলৈ এবাৰ লৈ আহে ৷ নিজ মাতৃক প্ৰত্যক্ষ কৰি কন্যা ঐশ্বৰ্যই তেওঁলোকৰ সৈতে মাতৃক নিজ গৃহলৈ উভটি আহিবলৈ কান্দি কান্দি অনুৰোধ জনায় ৷

আনহাতে এই দৃশ্য ইন্টাৰনেটত ভাইৰেল হৈ পৰাৰ পিচতে ৰাজ্যখনৰ মুখ্যমন্ত্ৰী বিএছ য়েদিয়ুৰাপ্পাই নাৰ্ছ সুগন্ধাৰ সৈতে টেলিফোনযোগে বাৰ্তালাপ কৰি শুভেচ্ছা জ্ঞাপন কৰাৰ লগতে তেওঁৰ কামৰ শলাগ লয় ৷