ৰাজনৈতিক অশান্তি : জ্যেষ্ঠ নেতৃত্বৰে মিলিত হ'ব মুখ্যমন্ত্ৰী কমল নাথ

কংগ্ৰেছৰ শীৰ্ষ নেতৃত্বৰে মিলিত হোৱাৰ উদ্দেশ্যে দিল্লীলৈ ৰাওনা মধ্য প্ৰদেশৰ মুখ্যমন্ত্ৰী কমল নাথৰ ৷ ৰাজনৈতিক অশান্তিৰ মাজতে ৰাজ্যসভাৰ প্ৰাৰ্থী বাছনি সম্পৰ্কে আলোচনা কৰিবলৈ দিল্লী ভ্ৰমণ নাথৰ ৷

নেশ্যনেল ডেস্ক, 9 মাৰ্চ :মধ্য প্ৰদেশত উদ্ভৱ হোৱা শেহতীয়া ৰাজনৈতিক অশান্তিৰ মাজতে কংগ্ৰেছৰ জ্যেষ্ঠ নেতৃত্বৰে মিলিত হোৱাৰ উদ্দেশ্যে নতুন দিল্লীলৈ ৰাওনা হৈছে মুখ্যমন্ত্ৰী কমল নাথ ৷ মুখ্যমন্ত্ৰীগৰাকীৰ দুদিনীয়া ৰাজধানী দিল্লী ভ্ৰমণৰ সময়ছোৱাত আগন্তুক ৰাজ্যসভা নিৰ্বাচনৰ দলীয় প্ৰাৰ্থী বাছনি সম্পৰ্কে আলোচনা কৰিব বুলি অনুমান কৰা হৈছে ৷

উল্লেখ্য যে, ৰাজ্যসভাৰ তিনিখনকৈ খালী আসন পূৰ কৰাৰ বাবে 26 মাৰ্চত নিৰ্বাচন অনুষ্ঠিত হ'ব আৰু 13 মাৰ্চত মনোনয়ন দাখিল কৰাৰ অন্তিম দিন ধাৰ্য কৰা হৈছে ৷ এই তিনি আসনৰ দুখনতে কংগ্ৰেছে জয়ী হোৱাৰ সম্ভাৱনা আছে যিহেতু প্ৰাক্তন মুখ্যমন্ত্ৰী দ্বিগ্বিজয় সিং আৰু প্ৰাক্তন কেন্দ্ৰীয় মন্ত্ৰী জ্যোতিৰাদিত্য সিন্ধিয়াই দুখন আসনত প্ৰতিদ্বন্দিতা কৰিব ৷

উল্লেখ্য যে, মধ্য প্ৰদেশত 17 জনকৈ কংগ্ৰেছ বিধায়ক নিৰুদ্দেশ অৱস্থাত আছে ৷ ইয়াৰ ফলত মধ্য প্ৰদেশত কংগ্ৰেছ দলৰ ৰাজনৈতিক সংকটে দেখা দিছে ৷

আৰু পঢ়ক :জম্মু-কাশ্মীৰৰ ৰাজনৈতিক নেতাৰ মুক্তিৰ দাবী বিৰোধী দলৰ