নিউজডেস্ক,10মে': শুকুৰবাৰে পাকিস্তানৰ পৰা অহা এখন সামগ্ৰী কঢ়িওৱা বিমানক ৰাজস্থানৰ জয়পুৰ বিমানবন্দৰত অৱতৰণ কৰিবলৈ বাধ্য কৰায় ভাৰতীয় বায়ুসেনাই ৷ আকাশ মাৰ্গৰ নিয়মাৱলী উলংঘন কৰি ভাৰতীয় সীমাত প্ৰবেশ কৰোতেই ভাৰতীয় বায়ু সেনাৰ দুখন ছুখই যুদ্ধ বিমানে পাক বিমানখন অৱতৰণ কৰাবলৈ বাধ্য কৰায় ৷
এক সূত্ৰই জনোৱা মতে এন্তোনোভ এন-12 বিমানখনে কৰাচীৰ পৰা দিল্লীলৈ যাত্ৰা কৰোতে মূল পথৰ পৰা বিচ্ছিন্ন হৈ উত্তৰ গুজৰাটৰ ফালে এটা অনিৰ্ধাৰিত পইন্টত প্ৰবেশ কৰে ৷ যাৰ বাবে বায়ুসেনাৰ প্ৰতিৰক্ষা বিমানেৰে সফলভাৱে বিমানখন জয়পুৰৰ বিমানবন্দৰত অৱতৰণ কৰাবলৈ বাধ্য কৰায় ৷ পাচত বিমানবন্দৰত আৰক্ষীৰ উচ্চ বিষয়া উপস্থিত হৈ বিমানখন স্কেন কৰি বিমানৰ পাইলটগৰাকীক সোধপোছ অব্যাহত ৰাখিছে ৷
ইপিনে সূত্ৰটোৱে জানিবলৈ দিয়া অনুসৰি ভাৰতীয় বায়ুসেনাই ৰাডাৰৰ সহায়ত এই সামগ্ৰী কঢ়িওৱা এন-12 বিমানখনক চিনাক্ত কৰে আৰু দুখন ভাৰতীয় ছু-30 যুদ্ধ বিমাৰ দ্বাৰা অৱতৰণ কৰোৱায় ৷