নিউজ ডেস্ক, ২৫ এপ্ৰিলঃ ৰাজ্যসমূহৰ গ্ৰাম্য অঞ্চলত শ্বপিং মলৰ বাদে অন্য দোকানসমূহ খুলিবলৈ অনুমতি প্ৰদান গৃহ মন্ত্ৰণালয়ৰ । শনিবাৰে দোকান খোলা বিষয় সন্দৰ্ভত এক বিবৃতিযোগে এনেদৰে স্পষ্টীকৰণ আগবঢ়াই গৃহ মন্ত্ৰণালয়ে ।
গ্ৰাম্য অঞ্চলত দোকান খুলিবলৈ অনুমতি গৃহ মন্ত্ৰণালয়ৰ আনহাতে, চহৰ অঞ্চলত একাংশ অনাৱশ্যকীয় সামগ্ৰীৰ প্ৰতিষ্ঠান, আবাসী পৰিসৰৰ ভিতৰত থকা দোকান, বজাৰ আৰু শ্বপিং মল খোলাৰ অনুমতি প্ৰদান কৰা নহ'ব বুলিও সদৰী কৰে গৃহ মন্ত্ৰণালয়ে ।
যিসমূহ ৰাজ্য তথা অঞ্চল মহামাৰী COVID-19ৰ সংক্ৰমণৰ ফলত হটস্পট ৰূপে চিহ্নিত নহয় সেই অঞ্চলসমূহতহে দোকান খোলাৰ অনুমতি প্ৰদান কৰা হ'ব বুলি সদৰী কৰে মন্ত্ৰণালয়ে । চহৰ হওঁক বা গ্ৰামাঞ্চল হটস্পট ৰূপে চিহ্নিত অঞ্চলত দোকান খুলিব নোৱাৰিব বুলিও প্ৰকাশ কৰে মন্ত্ৰণালয়ে ।
লগতে, ই-কমাৰ্চ কোম্পানীসমূহকো কেৱল অত্যাৱশ্যকীয় সামগ্ৰীসমূহ বিক্ৰী কৰাৰ বাবেহে অনুমতি দিয়া হ'ব বুলি সদৰী কৰা হয় ৷
তাৰোপৰি, দেশত বৰ্তমান COVID-19 সংক্ৰমণৰ পৰিস্থিতি সন্দৰ্ভত স্বাস্থ্য মন্ত্ৰণালয়ৰ মাজত বৈঠক অনুষ্ঠিত হয় হোৱা বুলিও প্ৰকাশ কৰা হৈছে ।