নেশ্যনেল ডেক্স,18 মেঃ দিল্লীৰ ৰাজঘাটত প্ৰতিবাদ কৰি থকা শ্ৰমিকসকলক চৰকাৰে নিজ নিজ গৃহলৈ প্ৰেৰণ কৰাৰ ব্যৱস্থা কৰিব লাগে কেন্দ্ৰীয় চৰকাৰে । এই মন্তব্য প্ৰাক্তন কেন্দ্ৰীয় বিত্তমন্ত্ৰী যশবন্ত সিন্হাৰ ।
ইটিভি ভাৰতৰ আঞ্চলিক সম্পাদক ব্ৰজমোহন সিঙৰ সৈতে হোৱা বাৰ্তালাপত যশবন্ত সিন্হাই কয় যে, দৰিদ্ৰ প্ৰব্ৰজনকাৰী শ্ৰমিকসকলে এক অমানবীয় পৰিস্থিতিৰ সন্মুখীন হৈ আহিছে । এইক্ষেত্ৰত কেন্দ্ৰই তেঁওলোকক উদ্ধাৰৰ বাবে সেনা মোতায়ন কৰিব লাগে ।
প্ৰব্ৰজনকাৰী শ্ৰমিকসকলে বহু লাঞ্চনাৰ সন্মুখীন হ'বলগীয়া হৈছে । তেঁওলোকে খেজকাঢ়ি নিজ নিজ গৃহ অভিমূখে ৰাওনা হোৱাৰ বিভিন্ন ভিডিঅ' দেখিবলৈ পোৱা গৈছে । চৰকাৰে তেঁওলোকক ঘৰলৈ পঠোৱাৰ ক্ষেত্ৰত পৰ্যাপ্ত ব্যৱস্থা গ্ৰহণ কৰা নাই । সেয়েহে মই চৰকাৰক বিভিন্ন সম্পদ ব্যৱহাৰ কৰি তেঁওলোকক স্ব-গৃহলৈ পথোৱাৰ বাবে আহ্বান জনাইছো বুলি মন্তব্য কৰে প্ৰাক্তন কেন্দ্ৰীয় বিত্তমন্ত্ৰী গৰাকীয়ে ।
এইক্ষেত্ৰত শ্ৰমিক ৰে'লৰ ব্যৱস্থাও উপযুক্ত ধৰণে হোৱা নাই বুলি মন্তব্য কৰে যশবন্ত সিন্হাই । লগতে কেন্দ্ৰীয় চৰকাৰে ঘোষণা কৰা 20 লাখ কোটি টকাৰ মেগা পেকেজ সন্দৰ্ভত কোনো ধৰণৰ মন্তব্য কৰাৰ পৰা বিৰত থাকি তেখেতে কয় যে, মই এই ক্ষেত্ৰত কোনো মন্তব্য কৰিব নিবিচাৰো । আজি মই পশ্চিম বংগলৈ খোজকাঢ়ি যোৱা দুজন শ্ৰমিকক এই পেকেজৰ বিষয়ে শোধাত তেঁওলোকে চুপ থাকে । কোনো প্ৰব্ৰজনকাৰী শ্ৰমিকেই ইয়াৰ পৰা লাভান্বিত নহ'ব । গতিকে এইবিষয়ে কোনো মন্তব্য কৰাটো উচিত নহ'ব ।
আনহাতে, ৰাজ্য চৰকাৰে প্ৰব্ৰজনকাৰী শ্ৰমিকসকলক সহায় নকৰা বুলি শোধা প্ৰশ্নৰ উত্তৰত তেখেতে কয় যে, এইটো দোষ দাঙি ধৰাৰ উচিত সময় নহয় । এইটো কেন্দ্ৰ আৰু ৰাজ্য চৰকাৰৰ যুটীয়া দায়িত্ব । তদুপৰি শ্ৰমিকসকলক স্ব-গৃহলৈ পঠোৱাৰ ক্ষেত্ৰত সেনা মোতায়ন কৰাটো কেন্দ্ৰৰ দায়িত্ব ।
ইটিভি ভাৰতৰ সৈতে যশবন্ত সিন্হাৰ সাক্ষাৎকাৰ সমান্তৰালকৈ, প্ৰব্ৰজনকাৰী সকল নিজ নিজ ৰাজ্যলৈ উভটি গৈছে । গতিকে তেঁওলোকক সেই অঞ্চলসমূহতে সংস্থাপনৰ ব্যৱস্থা কৰিব লাগিব । মই এই দিশত সুখী যে কেন্দ্ৰীয় বিত্তমন্ত্ৰী নিৰ্মলা সীতাৰমণে এমজিএমৰেগা আঁচনিৰ অধীনত পুঁজি আবন্টন কৰাৰ প্ৰস্তাৱ গ্ৰহণ কৰিছে ।
লগতে পঢ়ক-CBSE য়ে প্ৰকাশ কৰিলে বাকীৰোৱা পৰীক্ষাৰ সময়সূচী
