ৰাজ্যসভাৰ সাংসদ অমৰ সিঙৰ পৰলোকপ্ৰাপ্তি

ৰাজ্যসভাৰ সাংসদ অমৰ সিঙৰ 64 বছৰ বয়সত পৰলোকপ্ৰাপ্তি ৷ ইহ সংসাৰত পত্নী পাকিজা আৰু দুই কন্যাক এৰি থৈ যায় সিঙে ৷

নেশ্যনেল ডেস্ক, 1 আগষ্ট :প্ৰাক্তন সমাজবাদী পাৰ্টিৰ নেতা তথা ৰাজ্যসভাৰ সাংসদ অমৰ সিঙৰ 64 বছৰ বয়সত আজি পৰলোকপ্ৰাপ্তি ঘটে ৷ যোৱা 7 মাহৰ পৰা ছিংগাপুৰৰ মাউন্ট এলিজাবেথ হাস্পতালত তেওঁ চিকিৎসাধীন হৈ আছিল ৷

2013 চনত ডুবাইৰ এখন চিকিৎসালয়তে সিঙৰ বৃক্ক বিকল হৈ পৰিছিল ৷ ইয়াৰ পাচতে তেওঁৰ বৃক্কৰ প্ৰত্যাৰোপন কৰা হৈছিল ৷ অমৰ সিঙে পত্নী পাকিজা আৰু দুই কন্যাক ইহ সংসাৰত এৰি থৈ গৈছে ৷

সাংসদগৰাকীৰ মৃত্যুক গভীৰ শোকপ্ৰকাশ কৰে বিজেপিৰ নেতা তথা ৰাজ্যসভাৰ সাংসদ সুব্ৰমনিয়াম স্বামীয়ে ৷ স্বামীৰ পাচতে অমৰ সিঙৰ মৃত্যুত টুইটাৰৰ জৰিয়তে শোকপ্ৰকাশ কৰে প্ৰতিৰক্ষা মন্ত্ৰী ৰাজনাথ সিং আৰু নিতীন গাডকাৰীয়ে ৷

লগতে পঢ়ক :নতুন শিক্ষা নীতি সন্দৰ্ভত কমল গৌড়ৰ সৈতে এক আছুতীয়া সাক্ষাৎকাৰ