নিউজ ডেস্ক, 5 এপ্ৰিলঃ দেওবাৰে জম্মু-কাশ্মীৰৰ উধমপুৰত আছুতীয়াকৈ ৰখা এগৰাকী ব্যক্তি নিহত হয় ৷ ব্যক্তিগৰাকীৰ দেহত কৰ‘ণা ভাইৰাছ সংক্ৰমণ হোৱা বুলি সন্দেহ কৰা হৈছিল যদিও পৰীক্ষণৰ অন্তত ব্যক্তিগৰাকীৰ ফলাফল নিগেটিভ ওলায় ৷ জম্মু-কাশ্মীৰৰ উধমপুৰত সংঘটিত হৈছে এই ঘটনা ৷
আছুতীয়াকৈ থকা অৱস্থাত উধমপুৰত মৃত্যু 100 বছৰীয়া বৃদ্ধৰ
জম্মু-কাশ্মীৰৰ উধমপুৰত আছুতীয়াকৈ থকা অৱস্থাত মৃত্যু ঘটে এগৰাকী 100 বছৰীয়া বৃদ্ধৰ ৷ কৰ‘ণা ভাইৰাছৰ সন্দেহত ব্যক্তিগৰাকীক আছুতীয়াকৈ ৰখা হৈছিল যদিও পৰীক্ষণৰ ফলাফল নিগেটিভ পোৱা যায় ৷
আছুতীয়াকৈ থকা অৱস্থাত উধমপুৰত মৃত্যু 100 বছৰীয়া বৃদ্ধৰ
উধমপুৰ জিলা উন্নয়ন বিষয়া পীয়ুশ সিংগলাই প্ৰকাশ কৰা অনুসৰি, জিলাখনৰ মেঘানি গাঁৱৰ এগৰাকী কৰ‘ণা ভাইৰাছ আক্ৰান্ত ব্যক্তিৰ সংস্পৰ্শলৈ আহিছিল নিহত ব্যক্তিগৰাকীৰ লগতে তেওঁৰ ভাতৃ ৷ ইয়াৰ পিচতেই জিলা প্ৰশাসনে ততালিকে তেওঁলোকক আছুতীয়াকৈ ৰখাৰ ব্যৱস্থা গ্ৰহণ কৰিছিল ৷ কিন্তু শনিবাৰে নিশাৰ ভাগতে 100 বছৰীয়া ব্যক্তিগৰাকীৰ মৃত্যু ঘটে আৰু দেওবাৰে ৰাতিপুৱাৰ ভাগত তেওঁৰ পৰীক্ষণৰ ফলাফল নিগেটিভ পোৱা হয় ৷
জম্মু-কাশ্মীৰত এতিয়ালৈকে 92 গৰাকী ব্যক্তি কৰ‘ণা ভাইৰাছৰ দ্বাৰা আক্ৰান্ত হোৱাৰ লগতে 2গৰাকী লোকৰ মৃত্যু ঘটিছে ৷ তিনিগৰাকী লোক আৰোগ্য হোৱাৰ লগতে তেওঁলোকক নিজ নিজ গৃহলৈ ওভটাই পঠিওৱা হৈছে ৷