নিউজ ডেস্ক, ১৭ জুন : বিগত কেইবা দশক ধৰি চীন আৰু ভাৰতৰ মাজত চলি থকা সীমা বিবাদৰ বাবে শেহতীয়াকৈ সৃষ্টি হোৱা সংঘৰ্ষত বুধবাৰে সদৰি কৰা তথ্য অনুসৰি, উক্ত সংঘৰ্ষত ভাৰতীয় সেনাৰ ২০ জন জোৱান শ্বহীদ হৈছে ।
ভাৰতীয় সীমা সুৰক্ষা বাহিনীয়ে জনোৱা অনুসৰি,সোমবাৰে মাজ নিশা লাডাখ ভূমিত কোনো ধৰণৰ বোমা-বাৰুদৰ শব্দ শুনিবলৈ পোৱা নাছিলো । তেওঁলোক আকৌ জনাই যে, চীন চৰকাৰে ভাৰতীয় সেনাৰ ওপৰত অভিযোগ উখাপন কৰিছে যে,ভাৰতীয় সৈনিকক চৰকাৰে সংঘৰ্ষৰ বাবে উচতনি দিছে । লগতে উক্ত সংঘৰ্ষত চীনৰ এজনো সেনা নিহত হোৱা নাই বুলি চীনৰ ফালৰ পৰা সদৰি কৰিছে ।
উল্লেখযোগ্য যে, ১৯৭৫ চনৰ পৰাই দুয়োখন দেশৰ মাজত চলি থকা বিতৰ্কিত সীমা বিবাদৰ এইটো প্ৰথম সংঘৰ্ষ । আনকি বিশেষজ্ঞৰ ফালৰ পৰা জনোৱা অনুসৰি, এই সংঘৰ্ষ অধিক ভয়ানক হ'ব । এই সংঘৰ্ষক শান্ত কৰিবলৈ কঠিন হ'ব বুলি বিশেষজ্ঞৰ ফালৰ পৰা জনোৱা হয় ।
ভাৰতীয় ৰক্ষা মন্ত্ৰালয়ৰ প্ৰবক্তা কৰ্নেল অমন আনন্দই বুধবাৰে এই পৰিস্থিতি শান্ত কৰাৰ বাবে এক আলোচনাত মিলিত হৈছে । তেখেতৰ ফালৰ পৰা বৰ্তমানলৈ কোনো ধৰণৰ মন্তব্য প্ৰদান কৰা নাই যদিও এই ক্ষেত্ৰত চেষ্টা অব্যাহত থকা বুলি জানিবলৈ দিয়ে ।