তিনিচুকীয়া:ডিব্ৰু নৈৰ বুকুত সংঘটিত হৈছে এক অঘটন । আনৰ জীৱন বচাবলৈ গৈ নিৰুদ্দেশ হয় এজন স্থানীয় লোক । ঘটনাৰ বিৱৰণী অনুসৰি দিনজান ঘাটৰ পৰা দধীয়ালৈ বুলি কেইবাগৰাকী যাত্ৰী লৈ যোৱা নাও এখন নদীৰ মাজত কাঠত লাগি হঠাৎ ডুবি যায় । ফলত নাওখনত থকা একাংশ লোকে নিজে সাতুঁৰি জীৱন ৰক্ষা কৰাৰ লগতে স্থানীয় নাও লৈ যোৱা এজন প্ৰত্যক্ষদৰ্শীয়ে ডুব যোৱা লোকসকলক বচাবলৈ নদীত জাপ দিয়ে ।
লোকজনে নদীত জাপ দি তিনিজন যাত্ৰীক সুকলমে উদ্ধাৰ কৰে ৷ কিন্তু আনৰ প্ৰাণ বচাবলৈ নদীত জাপ দিয়া মনোজ প্ৰায়া হঠাৎ অন্তৰ্ধান হৈ পৰে । পানীৰ মাজত নিৰুদ্দেশ হোৱা মনোজ বেৰিয়াক উদ্ধাৰৰ বাবে পৰৱৰ্তী সময়ত ঘটনাস্থলীত আৰক্ষী আৰু এছডিআৰএফে অভিযান চলাই যদিও বাতৰি প্ৰেৰণ কৰাৰ সময়লৈকে উদ্ধাৰ কৰিব পৰা নাই মনোজ বেৰিয়াক ।
দিনজান ঘাটত নাও দুৰ্ঘটনা (ETV Bharat Assam)