ৰঙাপৰা,৩ মাৰ্চ:ৰঙাপৰাত গাঞ্জা বিৰোধী অভিযান । যাত্ৰীবাহী ৰে'লৰ পৰা বৃহৎ পৰিমাণৰ গাঞ্জা জব্দ কৰে ৰে'লৱে সুৰক্ষা বাহিনীয়ে । সৌদিনা ৰঙাপৰা ৰেলৱে জংচনৰ ১ নং প্লেটফৰ্মত ১৫৮৯৫ নম্বৰৰ ৰঙিয়া-ৰঙাপৰা-মুৰ্কংচেলেক উজনিমুৱা যাত্ৰীবাহী ৰেলখনৰ পৰা ৰে'লৱে সুৰক্ষা বাহিনীয়ে অভিযান চলাই ১৮ কেজি ২০০ গ্ৰাম ওজনৰ গাঞ্জাখিনি জব্দ কৰাৰ পিচতে পুনৰ একেখন যাত্ৰীবাহী ৰে'লত জব্দ কৰে ১৮ কেজি ৬০০ গ্ৰাম গাঞ্জা জব্দ কৰে ।
ৰঙিয়াৰ ৰে'লৱে সুৰক্ষা বাহিনীৰ অপৰাধ অনুসন্ধান শাখাই গোপন সূত্ৰৰ পম খেদি এন এফ ০৯৫৪৯০ নম্বৰৰ ডবাটোৰ পৰা জব্দ কৰে গাঞ্জাখিনি । অৱশ্যে ৰে'লৱে সুৰক্ষা বাহিনীয়ে অভিযানকাৰী দলটোৱে গাঞ্জা জব্দ কৰে যদিও ইয়াৰ লগত জড়িত কোনো সৰবৰাহকাৰীক আটক কৰিবলৈ সক্ষম নহ'ল । গাঞ্জাখিনিৰ বজাৰ মূল্য প্ৰায় ২ লাখ টকা হ'ব বুলি আৰক্ষীৰ সূত্ৰই প্ৰকাশ কৰে । পিচত জব্দকৃত গাঞ্জাখিনি ৰঙাপৰা ৰে'লৱে সুৰক্ষা বাহিনীক চমজাই দিয়ে ।