ধুবুৰী, ২ মাৰ্চ: ধুবুৰী অতিৰিক্ত জিলা আৰু ন্যায়িক দণ্ডাধীশৰ আদালতে আজি প্ৰদান কৰিলে এক গুৰুত্বপূৰ্ণ ৰায় । এটা হত্যাকাণ্ডৰ গোচৰত দহজনক যাৱজ্জীৱন কাৰাদণ্ড বিহেধুবুৰী অতিৰিক্ত জিলা আৰু ন্যায়িক দণ্ডাধীশৰ আদালতে । লগে লগে ১৭ বছৰ পিছত ন্যায় পালে ধুবুৰীৰ এটা পৰিয়ালে । ২০০৬ চনত ভূমিকেন্দ্ৰিক সংঘাতৰ ফলত সংঘটিত এক ঘটনাত মইনুল হক প্ৰধানী নামৰ এজন লোক নিহত হৈছিল ।
জিলাখনৰ বাহিৰ শালমাৰা অঞ্চলত ২০০৬ চনত ভূমিকেন্দ্ৰিক সংঘাতৰ ফলত মইনুল হক প্ৰধানী নামৰ এজন লোকক এটা পক্ষই হানি-খুঁচি হত্যা কৰিছিল । ১৭ বছৰ পৰ্যন্ত ধুবুৰী আদালতত গোচৰ চলি থকাৰ ফলত আজি চূড়ান্ত ৰায় দিয়ে ধুবুৰী আদালতে । ধুবুৰী অতিৰিক্ত জিলা আৰু ন্যায়িক দণ্ডাধীশৰ আদালতৰ ৰায়দান অনুসৰি হত্যাকাণ্ডৰ অভিযোগত দহজনকৈ অভিযুক্তক যাৱজ্জীৱন কাৰাদণ্ড বিহা হয় । মুঠ ১১ জন অভিযুক্ত আছিল যদিও ইয়াৰে আদম আলী নামৰ এজন অভিযুক্তৰ কিছুদিন পূৰ্বে মৃত্যু হয় । বাকী দহজনক যাৱজ্জীৱন কাৰাদণ্ড বিহাৰ লগতে আঠ হাজাৰ টকাকৈ জৰিমনা বিহে ।