খাদ্য ৰান্ধিবৰ বাবে এইবিধ তেল আটাইতকৈ লাভদায়ক...জানি লওক উপকাৰিতা - Olive Oil

Why olive oil is good for health: আমি আমাৰ দৈনন্দিন জীৱনত খাদ্য ৰান্ধিবৰ বাবে বিভিন্ন ধৰণৰ তেল ব্যৱহাৰ কৰো ৷ কিন্তু আপুনি জানেনে আপোনাৰ স্বাস্থ্যৰ বাবে কোনবিধ তেল আটাইতকৈ লাভদায়ক ? যদি নাজানে তেন্তে আজি জানি লওক-

এনে বহুলোক আছে যিয়ে নিজৰ ডাইনিং টেবুলত তেলীয়া খাদ্য নহ’লে মুখ কোঁচাবলৈ আৰম্ভ কৰে ৷ কিন্তু এনে লোকৰ এই অভ্যাসেই বহু স্বাস্থ্যজনিত সমস্যাৰ কাৰণ হ’ব পাৰে, য’ত মেদবহুলতা, উচ্চ ৰক্তচাপ, ডায়েবেটিছ, যকৃতৰ সমস্যা, হাৰ্ট এটেক, হৃদৰোগ, ক’ৰ’নাৰী ধমনী ৰোগ আৰু ট্ৰিপল ভেছেল ডিজিজ আদি অন্তৰ্ভুক্ত ৷

সেয়ে, এই সকলোবোৰ সমস্যাৰ পৰা হাত সাৰিবলৈ স্বাস্থ্যসন্মত ৰন্ধন তেল ব্যৱহাৰ কৰাটো অতি প্ৰয়োজনীয় ৷ এনেক্ষেত্ৰত অলিভ অইল আপোনাৰ আটাইতকৈ লাভদায়ক প্ৰমাণিত হ’ব পাৰে ৷ অধিকাংশ স্বাস্থ্য বিশেষজ্ঞই এক্সট্ৰা ভাৰ্জিন অলিভ অইলক স্বাস্থ্যৰ বাবে ভাল বুলি বিবেচনা কৰে ৷

এক্সট্ৰা ভাৰ্জিন অলিভ অইল সেৱনৰ উপকাৰিতা

১) ওজন বজাই ৰখা হ’ব

ৰন্ধন তেল ওজন বৃদ্ধিৰ বাবে দায়ী কাৰণ ইয়াত চেচুৰেটেড ফেট থাকে, যাৰ ফলত পেট আৰু কঁকালৰ চৰ্বি বৃদ্ধি পায় ৷ ইয়াৰ পৰিৱৰ্তে এক্সট্ৰা ভাৰ্জিন অলিভ অইল ব্যৱহাৰ কৰিলে ক্ৰমান্বয়ে আপোনাৰ ওজন কমিবলৈ আৰম্ভ কৰিব ৷

২) হাৰ্ট এটেকৰ পৰা সুৰক্ষা

এক্সট্ৰা ভাৰ্জিন অলিভ অইলক মনোঅনচেচুৰেটেড ফেটৰ সমৃদ্ধ উৎস বুলি গণ্য কৰা হয়, ই তেজত বেয়া কলেষ্টেৰলৰ পৰিমাণ বৃদ্ধি নকৰে, যাৰ ফলত ৰক্তচাপ নিয়ন্ত্ৰণত থাকে ৷ গতিকে অলিভ অইলৰ বাবে হাৰ্ট এটেকৰ সম্ভাৱনা বহু পৰিমাণে হ্ৰাস পায় ৷

৩) টাইপ ২ ডায়েবেটিছৰ সম্ভাৱনা কম

বহু গৱেষণাত প্ৰমাণিত হৈছে যে যদি আপুনি নিয়মিতভাৱে এক্সট্ৰা ভাৰ্জিন অলিভ অইল যদি সেৱন কৰে তেন্তে টাইপ ২ ডায়েবেটিছৰ সম্ভাৱনাৰ পৰাও মুক্ত হ’ব পাৰিব কাৰণ ইয়াত ফেনলিক যৌগ থাকে যিয়ে ইনচুলিনৰ মাত্ৰা উন্নত কৰাত সহায় কৰে ৷

৪) হাড়বোৰ মজবুত হৈ উঠিব

যদি আপোনাৰ হাড় দুৰ্বল হয় তেন্তে আপুনি দৈনন্দিন জীৱনৰ স্বাভাৱিক কাম-কাজ কৰাত বহুত অসুবিধাৰ সন্মুখীন হ’ব পাৰে, সেয়েহে শক্তিশালী হাড়ৰ বাবে আপুনি নিয়মিতভাৱে এক্সট্ৰা ভাৰ্জিন অলিভ অইল খোৱাটো উচিত ৷

লগতে পঢ়ক:Skin Care Tips: পৰিষ্কাৰ তথা মসৃণ ছালৰ বাবে ঘৰতে প্ৰস্তুত কৰক অলিভ অইল ফেচ ক্লিনজাৰ